حالال بالاباقشالار حالىقارالىق قاتىناس، قورعانىس جانە قاۋىپسىزدىك بويىنشا سەنات كوميتەتىنىڭ ءتورايىمى داريعا نازاربايەۆانىڭ اشۋىنا ءتيدى. بۇل تۋرالى Qamshy.kz Nur.kz-كە سىلتەمە جاساپ حابارلايدى.
"كوپتەگەن ولقىلىقتار بار. جاقىندا بىزدە "حالال" بالاباقشالار بارىن ءبىلدىم. مەن وتە اشۋلىمىن! بۇل جازدا بولعان جايتتار ءبىزدى كوپ نارسەگە ۇيرەتتى دەپ ويلايمىن - ولار بىزگە وسال تۇستارىمىزدى كورسەتتى. سول ءۇشىن كورپە استىنا تىعىلماي، جۇمىس ىستەۋ كەرەك"، - دەيدى سەنات كوميتەتىنىڭ باسشىسى.
داريعا نازاربايەۆا كەزدەسۋ بارىسىندا ەلىمىزدىڭ پوليسەيلەرىنىڭ قۇزىرەتىن كەڭەيتۋ ۇسىنىسىن جاسادى.
"پوليسيانىڭ ستاتۋسىن قايتا قاراۋ كەرەك دەپ سانايمىن. ولارعا وقىس جاعدايلاردا بەلسەندى تويتارىس بەرە الۋى ءۇشىن كوبىرەك قۇزىرەت بەرۋ كەرەك. الماتىدا قازا بولعان پوليسەيلەر بارلىق قاجەت شارالاردى قولدانعانىمەن، ادام شىعىنى بولدى"، - دەدى نازاربايەۆا الماتىدا 18 شىلدە كۇنى بولعان قايعىلى جايتتى ەسكە سالا وتىرىپ.
