«ادەمى-اي» ۇلتتىق كادەسىيلار جەلىسى «ەتنو ديزاين قازاق 2030» بىرلەستىگىمەن بىرىگىپ، الماتى قالاسى اكىمدىگىنىڭ، «ەلباسى» تۇڭعىش پرەزيدەنت قورىنىڭ قولداۋىمەن «كادەسىي – حالىق ونەرى» اتتى حالىقارالىق ونەر بايقاۋىن جاريالايدى
بايقاۋعا قازاقستاننىڭ جانە ەلىمىزدەن تىس وڭىرلەردەگى سۋرەتشىلەردىڭ، شەبەرلەردىڭ، مۇسىنشىلەردىڭ ت.ب. ونەر يەلەرىنىڭ جۇمىستارى قابىلدانادى.
بايقاۋدىڭ ماقساتى ۇلتتىق كادەسىيلاردىڭ جاڭا نوبايلارىن اشىپ، كيەلى قازاق ونەرىنىڭ كەڭ قانات جايۋىنا ۇلەس قوسىپ، تىڭ يدەيالار تۋدىرىپ، ونەر شەبەرلەرىنىڭ تۋىندىلارىن حالىققا پاش ەتۋ. ۇلتىمىزدىڭ ۇلى مۇرالارىن، حالىق ونەرى مەن مادەنيەتىنىڭ جاڭا قىرلارىن اشۋ.
بايقاۋدىڭ وتكىزىلۋ مەرزىمى: 1 شىلدە – 1 قازان ارالىعى، 2012 ج.
قازاقستاننىڭ بەلگىلى ونەر قايراتكەرلەرىنەن قۇرىلعان ءادىل قازىلار القاسى جۇمىستاردى ىرىكتەپ قورىتىندىسىن جاريالايدى.
ماراپاتتاۋ ءراسىمى 10 قازاندا وتەدى.
جۇمىستاردى قابىلداۋ ورنى: الماتى قالاسى، بايزاقوۆ كوشەسى 133 ب، «ادەمى-اي» ونەر ءۇيى
جۇلدە قورى – 1 000 000 تگ جانە 3 جىل مەرزىمگە «ادەمى-اي» كومپانياسىمەن جەكە كەلىسىم-شارتقا وتىرۋ.
«ادەمى-اي» كومپانياسىنىڭ بايقاۋدى وتكىزۋدەگى العا قويعان ماقساتتارى:
- ەل اراسىندا جۇرگەن تالانتتاردىڭ ەڭبەكتەرىن جارىققا شىعارۋ. جاس تالانتتاردىڭ ونەرىنە قولداۋ بولۋ جانە ولاردىڭ مەيلىنشە حالىققا تانىمال بولۋىنا جاعداي جاساۋ.
- قازاق حالقىنىڭ بۇكىل بولمىسى تۇتاستاي قامتىلعان كادەسىيلار ويلاپ تابۋ.
- حالىقتىڭ ۇلتتىق ونەرگە دەگەن سىي-قۇرمەتىن، قىزىعۋشىلىقتارىن ارتتىرۋ.
- سۋرەتشىلەرمەن، مۇسىنشىلەرمەن ت.ب. كوپتەگەن ونەر ادامدارىمەن تىعىز قارىم-قاتىناس، تۇراقتى بايلانىس ورناتۋ.
- بارلىعىنىڭ باسىن قوسىپ، ورتاق مۇددەگە بىرىگە جۇمىلۋ.
بايقاۋ وتكىزىلۋگە ەكى اي ۋاقىت قالعاندا جۇمىستار قابىلدانا باستايدى. ءبىر اي ۋاقىت ىشىندە بارلىق جۇمىستار قارالىپ، سارالانىپ قورىتىندىلاۋ راسىمىنە اۆتورلار شاقىرىلادى.
بايقاۋعا مىنا تاقىرىپتار بويىنشا كادەسىيعا لايىقتالىنىپ جاسالىنعان جۇمىستار قابىلدانادى:
- زەرگەرلىك بۇيىمدار
- قازاق حالقىنىڭ ءسالت-داستۇرى
- جيۆوپيستە، گرافيكادا، مۇسىندەۋدە ۇلتتىق يدەيانىڭ ورىن الۋى
- Hand made كادەسىيلار
- ۇلى دالا مۇرالارى
- تۋعان ولكەگە تاعزىم
- جاڭا الەمدەگى - جاڭا قازاقستان
وسى ورايدا 7 جۇلدەلى ورىن تاعايىندالادى. ءاربىر جەڭىمپاز كادەسىيلار نارىعىنىڭ كوشباسشىسى «ادەمى-اي» كومپانياسىنان ەستەلىك كادەسىي جانە باعالى زاتتارمەن ماراپاتتالادى.
قورىتىندى كەش «ەلباسى» تۇڭعىش پرەزيدەنت قورىنىڭ عيماراتىندا وتەدى. ۇلكەن كورمە ۇيىمداستىرىلىپ، بارلىق ىرىكتەلگەن جۇمىستار كورەرمەننىڭ نازارىنا ۇسىنىلادى. ارى قاراي كونسەرتتىك باعدارلاماعا ۇلاسادى.
بايقاۋ جايلى اقپارات الدىن الا باق-دا جانە كومپانيانىڭ جەكە سايتى www.ademi-ai.kz سايتىندا جانە كوپتەگەن پورتالداردا جاريالاناتىن بولادى. بارلىق قاتىسۋشىلار ءتيىستى اقپاراتپەن دەر كەزىندە قۇلاقتانۋ ءۇشىن بارلىق جاعداي جاسالادى.
بايقاۋدى ۇيىمداستىرۋشى ارنايى توپ قۇرىلادى.
بۇل ءبىزدىڭ وتكەنىمىز بەن بۇگىنىمىز، بولاشاعىمىز، ءبىزدىڭ باعا جەتپەس تاريحي مۇرالارىمىز. ءبىز ولاردى قاشاندا كوزدىڭ قاراشىعىنداي قاراپ، ۇرپاققا ماڭگى مۇرا ەتۋىمىز كەرەك. سوندىقتان بايقاۋدىڭ جوعارعى دەڭگەيدە وتكىزىلۋىنە كومپانيا ۇجىمى بارىنشا اتسالىسپاق.
قوسىمشا اقپارات:
بايقاۋدىڭ باسپا ءسوز حاتشىسى – ماديار ءابىلقايىر
تەل: +77017985568، 87052030777
پىكىر قالدىرۋ