ءححى عاسىرداعى جاڭا وركەنيەت بيىگىندە قارىشتاپ دامۋ تالابى ەلىمىزدىڭ ينفراقۇرىلىمىن بارىنشا وركەندەتۋ مىندەتتەرىنە ۇلكەن جاۋاپكەرشىلىك جۇكتەيدى. جول، كوپىر، تەڭىز ايلاقتارى مەن اۋەجاي سىندى مەملەكەتتىك ماڭىزى زور ينفراقۇرىلىمدى دامىتۋ جانە پايدالانۋ تەتىكتەرىن بارىنشا جەتىلدىرۋ دە قازىرگى زامان تالابى بولىپ تابىلادى.
ەلىمىزدەگى ينفراقۇرىلىمدى دامىتۋ ماقساتىندا «نۇرلى جول» ينفراقۇرىلىمدى دامىتۋدىڭ 2015-2019 جىلددارعا ارنالعان مەملەكەتتىك باعدارلاماسى جۇزەگە اسىرىلىپ كەلەدى. باعدارلاما باستالعالى ۋاقىتتا 200 مىڭنان استام جۇمىس ورنى اشىلىپ، 11 385 وتباسى باسپانامەن قامتاماسىز ەتىلدى. ينفراقۇرىلىمدىق نىسانداردى سالۋداعى تاۋارلارداعى، جۇمىستارداعى جانە قىزمەتتەردەگى قازاقستاندىق قامتۋ 80 پايىزدان اساتىن كورسەتكىشكە جەتتى.
وتكەن جىلى «نۇرلى جول» مەملەكەتتىك باعدارلاماسىن ىسكە اسىرۋ ءۇشىن ۇلتتىق قوردان 770،1 ملرد. تەڭگە ءبولىنىپ، ونىڭ 92 پايىزى يگەرىلدى. ال، بيىل ۇلتتىق قوردان 839،9 ملرد. تەڭگە بولىنەدى. ونىڭ ىشىندە رەسپۋبليكالىق بيۋدجەتتەن نىسانالى ترانسفەرتتەر تۇرىندە 503،4 ملرد. تەڭگە جانە ۇلتتىق حولدينگتەردىڭ وبليگاسيالىق قارىزدارى ارقىلى 336،5 ملرد. تەڭگە قاراستىرىلعان. اتالعان قارجىنىڭ 99،1 ملرد. تەڭگەسى نەمەسە 12 پايىزى يگەرىلىپتى. ونىڭ ىشىندە كولىكتىك-لوگيستيكالىق ينفراقۇرىلىمدى دامىتۋ باعىتى بويىنشا 47،2 ملرد. تەڭگە، رەسپۋبليكالىق ماڭىزى بار كولىك جولدارىن سالۋ جانە قايتا جاڭعىرتۋ ءۇشىن 35،2 ملرد. تەڭگە جۇمسالعان. اعىمداعى جىلى شامامەن 900 شاقىرىم رەسپۋبليكالىق ماڭىزى بار كولىك جولدارىن سالۋ جانە جاڭعىرتۋ جوسپارلانعان. ونىڭ ىشىندە الماتى - شۋ ۋچاسكەسىندە ەكىنشى تەمىرجول قۇرىلىسىنا 8 ملرد. تەڭگە، قۇرىق پورتىندا پارومدىق وتكەل سالۋعا 4 ملرد. تەڭگە جۇمسالماق. جىلۋمەن، سۋمەن جابدىقتاۋ جانە سۋ تارتۋ جۇيەسىن جاڭعىرتۋعا بيۋدجەتتىك كرەديتتەۋ ارقىلى 16،6 ملرد. تەڭگە ءبولۋ جوسپارلانعان.
جالپى، 2016-2017 جىلدارى ينجەنەرلىك جەلىلەردىڭ 1 184 شاقىرىمى، ونىڭ ىشىندە جىلۋمەن جابدىقتاۋدىڭ 92 شاقىرىم، سۋمەن جابدىقتاۋ جۇيەسىنىڭ 816 شاقىرىم جانە سۋ تارتۋ جۇيەسىنىڭ 276 شاقىرىمىن سالۋ جانە جاڭعىرتۋ جوسپاردا بار.
«نۇرلى جول» مەملەكەتتىك باعدارلاماسى شەڭبەرىندە 11 اۆتوجول سالىنادى. بۇل رەتتە سالىنعان اۆتوجولدار وبلىستاردىڭ بip-بipiمeن ساۋدا-ساتتىعىن، ەكونوميكالىق بايلانىستارىن نىعايتىپ قانا قويماي، ەلىمىزدىڭ الەۋمەتتىك-ەكونوميكالىق وسۋىنە، شاعىن جانە ورتا بيزنەستىڭ دامۋىنا وڭ ىقپال ەتەدى. ال تاسىمالداردىڭ كولەمى 2،5 ەسە وسەدى دەپ كۇتىلۋدە. بۇعان قوسا، قالالار اراسىنداعى كولىك قولجەتىمدىلىگىن جاقسارتۋ ەسەبىنەن جالپى وڭىرلىك ءونىمنىڭ ورتاشا جىلدىق ءوسۋى 80 ملرد. تەڭگەنى قۇرايدى. سالىنعان جولداردىڭ بويىندا ۇلتتىق ستاندارتقا سايكەس 200-دەن استام قىزمەت كورسەتۋ وبەكتىلەرى بوي كوتەرىپ، قىزمەت كورسەتۋ سالاسىنىڭ دامۋىنا جانە جول ينفراقۇرىلىمىن جاقسارتۋعا وڭ اسەرىن تيگىزبەك. جالپى، جول قۇرىلىسىندا 30 كومپانيا جۇمىس اتقارۋدا. بيىل ەلىمىزدەگى بارلىق جولداردىڭ قۇرىلىسىنا، سونىڭ ىشىندە «نۇرلى جول» اياسىندا سالىنىپ جاتقان جوبالاردىڭ قۇرىلىسىنا 100 مىڭ ادام جۇمىسقا تارتىلادى.
