«MAKSAT مەد» پوليكلينيكاسىنىڭ ديرەكتورى، مەديسينا عىلىمدارىنىڭ ماگيسترى، ەرەسەكتەر جانە بالالار نيەۆروپاتولوگى، يگلوتەراپيەۆت، جوعارى ساناتتى دارىگەر ماقسات ابدىقادىرۇلىمەن سۇحبات.

-اسسالاۋماعالەيكۋم، اعا. وقىرماندارعا ەڭ الدىمەن مەديسينالىق ورتالىق تۋرالى ايتا وتىرساڭىز.

-ۋاعالەيكۋماسسالام! «MAKSAT مەد» مەديسينالىق ورتالىعى 2011 جىلى 1 مامىردا الماتى قالاسىندا قۇرىلعان بولاتىن. سودان بەرى حالىققا ءوز قىزمەتىن ۇسىنىپ كەلەدى. وسى كۇنگە دەيىن ورتالىققا 55 مىڭنان استام ادام كەلىپ، ەم الدى. ولاردىڭ ىشىندە تەك الماتى تۇرعىندارى عانا ەمەس، ەلىمىزدىڭ باسقا وبلىستارىنان، تمد ەلدەرىنەن، قىتايدان ارنايى كەلىپ ەم قابىلداعاندار بار. ورتالىقتا جۇيكە جۇيەسى، جۇرەك-قانتامىر، اسقورىتۋ، ءزار شىعارۋ جۇيەلەرىنىڭ اۋرۋلارىن، گينەكولوگيالىق جانە ەرلەر اۋرۋلارىن،ءارتۇرلى گەنەزدى اللەرگيالاردى، ستوماتولوگيالىق، سوماتيكالىق جانە ت.ب اۋرۋلاردى ەمدەيمىز.

- ەندىگى سۇراعىم جەكە مەنشىك مەديسينالىق ورتالىعىڭىزدىڭ مەملەكەتتىك پوليكلينيكا بولۋى تۋرالى ايتىپ بەرسەڭىز؟

قازاقستان رەسپۋبليكاسىنىڭ  پرەزيدەنتى نۇرسۇلتان نازاربايەۆتىڭ 100 ناقتى قادام باعدارلاماسىنىڭ 81-قادامىندا: «جەكە مەنشىك مەديسينانى دامىتۋ، مەديسينالىق مەكەمەلەرگە كورپوراتيۆتىك باسقارۋدى ەنگىزۋ،  مەملەكەتتىك مەديسينالىق ۇيىمداردى جەكەشەلەندىرۋدى ىنتالاندىرۋ، مەملەكەتتىك ەمەس ۇيىمدار ارقىلى تەگىن مەديسينالىق كومەكتىڭ كەپىلدەندىرىلگەن كولەمىن بەرۋدى كەڭەيتۋ» تۋرالى  اتاپ كورسەتىلگەن.

وسىعان سايكەس، حالىققا ساپالى جانە ۋاقىتىلى مەديسينالىق كومەك كورسەتۋ ءۇشىن قازاقستاننىڭ بارلىق وڭىرلەرىندە مەديسينالىق سانيتارلىق العاشقى كومەك (ءارى قاراي مساك) كورسەتەتىن دەنساۋلىق ساقتاۋ سۋبەكتىلەرىنە قازاقستان رەسپۋبليكاسىنىڭ ازاماتتارى جانە  ورالماندار  ءوز ەركىمەن تىركەلىپ جاتىر.

 2017 جىلى الماتى قالاسى بويىنشا مساك كورسەتەتىن دەنساۋلىق ساقتاۋ سۋبەكتىسى رەتىندە قازاقستان رەسپۋبليكاسىنىڭ ازاماتتارىنا جانە  ورالماندارعا مەديسينالىق قىزمەت كورسەتەتىن جابدىقتاۋشىلار تىزىمىندە «MAKSAT مەد» مەديسينالىق ورتالىعى دا بار.

-تۇسىنىكتى. ال، بۇل پوليكلينيكاعا حالىق قالاي تىركەلە الادى؟ ول ءۇشىن نە قاجەت؟

مساك ۇيىمدارىنا تىركەلۋ ازاماتتاردىڭ تۇراقتى نەمەسە ۋاقىتشا تۇراتىن مەكەنجايى، جۇمىس ىستەيتىن مەكەمەسى، وقۋ ورنى بويىنشا جۇزەگە اسىرىلادى. ازامات مساك ۇيىمىنىڭ بىرەۋىنە عانا بەكىتىلەدى.

-تىركەلۋ ءۇشىن قاجەت قۇجاتتار تۋرالى دا ايتا وتسەڭىز؟

مساك ۇيىمىنا بەكىتۋ ەركىن نىسانداعى ءوتىنىش پەن جەكە باسىن كۋالاندىراتىن قۇجات (جەكە كۋالىگى، پاسپورت، تۋۋ تۋرالى كۋالىك، ىقتيارحات نەمەسە ورالمان كۋالىگى) نەگىزىندە جۇزەگە اسىرىلادى.

-پوليكلينيكادا حالىققا قانداي قىزمەت تۇرلەرى كورسەتىلەتىن بولادى؟

مەديسينالىق سانيتارلىق العاشقى كومەك تومەندەگى قىزمەتتەردى  قامتيدى:

-دياگنوستيكالاۋ مەن ەمدەۋ، تەگىن مەديسينالىق كومەككە كەپىلدىك بەرىلگەن كولەم شەڭبەرىندە دارىلىك زاتتارمەن قامتاماسىز ەتۋ؛ 

-پروفيلاكتيكالىق ءىس-شارالاردى، اۋرۋلاردى ەرتە انىقتاۋ ماقساتىندا سكرينينگتىك زەرتتەۋلەر جۇرگىزۋ، نەگىزگى ينفەكسيالىق اۋرۋلارعا قارسى ەكپە جاساۋ؛

-  حالىقتىڭ گيگيەنالىق ساۋاتتىلىعىن ارتتىرۋ، ينفەكسيالىق اۋرۋلار وشاقتارىنداعى ەپيدەمياعا قارسى (پروفيلاكتيكالىق) سانيتارلىق ءىس-شارالار جۇرگىزۋ.

-كورسەتىلەتىن قىزمەت تۇرلەرىنىڭ اقىسى قانداي بولماق؟

كەپىلدىك بەرىلگەن كولەمدەگى تەگىن مەديسينالىق كومەك قازاقستان رەسپۋبليكاسىنىڭ ازاماتتارىنا جانە ورالماندارعا  بيۋدجەتتىك قارجى ەسەبىنەن بەرىلەدى جانە پروفيلاكتيكالىق، دياگنوستيكالىق جانە ەمدىك مەديسينالىق قىزمەتتەردەن تۇرادى.

-پوليكلينيكانىڭ مەكەن جايىن ايتا كەتسەڭىز؟

ءبىزدىڭ مەكەن جايىمىز: الماتى قالاسى، اقبۇلاق  ىقشام اۋدانى، مومىش ۇلى مەن رىسقۇلوۆ كوشەلەرىنىڭ قيىلىسى. تەل: 225 70 07، 8 707 666 00 28،  8 777 666 00 18.  ەلەكتروندى پوچتا dr_maksat@mail.ru

تولىق مالىمەتتى maksat.kz. سايتىنان بىلۋگە بولادى.

-سۇحباتىڭىزعا راحمەت!