الماتى وبلىسى ۇزىناعاش كەنتىنىڭ بازارىنا مال اكەلىپ، جوعالعان ءۇش جىگىتتى ىزدەگەن ەرىكتىلەر جامبىل اۋداندىق ءىىب عيماراتى الدىنا جينالۋدا، - دەپ حابارلايدى Qamshy.kz.

بۇگىن جوعالعان جىگىتتەردىڭ تۋىستارى ءۇش ازاماتتىڭ بازارعا الىپ شىققان 40 باس مالىنىڭ 33 باسى تابىلعانى تۋرالى حابارلادى.

پوليسيا بۇگىن ساعات ۇشتە جوعالعان جىگىتتەردى ىزدەۋ جۇمىسىنىڭ ناتيجەسى تۋرالى ەرىكتىلەرگە مالىمەت بەرەتىنى ايتىلعان. ءقازىر اۋداندىق ءىىب عيماراتى الدىنا جوعالعان جىگىتتەردىڭ تۋىستارى مەن دوستارى، ەرىكتىلەر جينالۋدا. ونداعى حالىقتىڭ ۇزىن سانى 200 ادامنان اسادى. 

جوعالعان جىگىتتىڭ ءبىرى جارقىننىڭ اكەسى "ىزدەمەي جاتقان جوق، حالىق بولىپ ىزدەپ جاتىر. دۇنيەنىڭ كەرەگى جوق، تەك قانا ازاماتتارىم امان بولسا..."، - دەپ وتىر.

ەستەرىڭىزگە سالساق، 1979 جىلعى دولدان ۇلى جارقىنبەك، 1973 جىلعى زارلىحان ۇلى مۇقيات پەن ءالىمحان قادىلبەك ەسىمدى جىگىتتەر شىعىس قازاقستان وبلىسىنىڭ تارباعاتاي اۋدانىنان 40 باس مال ساتىپ الىپ، ونى ەكى جۇك كولىگىمەن 17 قىركۇيەك، سەنبى كۇنى، الماتى ماڭىنداعى ۇزىناعاش بازارىنا شىعارعان. سودان بەرى تۋىستارى ول ازاماتتاردىڭ ەش حابارىن بىلە الماي وتىر.

كەشە جوعالعان ازاماتتار مال تيەپ كەتكەن ەكى كولىكتىڭ تابىلعانى تۋرالى جازعان بولاتىنبىز.

ەرلان تولەۋباي