الماتى وبلىسى جامبىل اۋدانىندا بولعان قايعىلى وقيعاعا قاتىستى جاڭا دەرەكتەر بەلگىلى بولدى، - دەپ حابارلايدى Qamshy.kz.
بۇگىن الماتىداعى سوت-ساراپتامالىق ورتالىعىنان مارقۇمداردىڭ مايىتتەرىن العان تۋىستارى پوليسيا قىلمىسقا قاتىسى بار دەلىنگەن ەكى كۇدىكتىنىڭ ءاتى-جونىن ايتقانىن جەتكىزدى.
قولعا تۇسكەن ەكى كۇدىكتى تالعات (فاميلياسى بەلگىسىز - رەد.) پەن مۇرات وڭالبايەۆ الماتى وبلىسى جامبىل اۋدانىنىڭ ءتۇرعىندارى كورىنەدى. ولار پوليسيا قىزمەتكەرلەرىنە ءۇش ازاماتتى 18 قىركۇيەك كۇنى ساعات كەشكى ءتورت پەن بەس ارالىعىندا ءبىرىن كەۋدەسىنەن، ەكەۋىن باسىنان اتىپ ولتىرگەندەرىن ايتىپ بەرگەن.
سونداي-اق، قىلمىسكەرلەر ءۇش ادامنىڭ ءمايىتىن مالدىڭ تەزەگىمەن كومىپ كەتكەندەرىن ايتقان.
مارقۇمداردىڭ تۋىستارى اتالعان قىلمىسقا بۇرىنعى پوليسيا قىزمەتكەرىنىڭ دە قاتىسى بار دەپ كۇدىكتەنەدى.
