استانادا ق ر اۋىل شارۋاشىلىعى مينيسترلىگى جانىنان قۇرىلعان جەر زاڭناماسىن جەتىلدىرۋ جونىندەگى جۇمىس توبى ءوز قىزمەتىن تانىستىردى. وسى توپقا جەتەكشىلىك ەتەتىن اۋىل شاۋاشىلىعى ۆيسە-مينيسترى ەرلان نىسانبايەۆ ازىرلەنەتىن جاڭا زاڭ جوباسى جەردى جالعا الۋشىلارعا جاۋاپكەرشىلىك جۇكتەيتىنىن ايتتى، دەپ حابارلايدى Qamshy.kz BNews.kz- كە سىلتەمە جاساپ.

«جەر قاتىناستارى سالاسىنداعى ءوزارا قارىم-قاتىناستىڭ ۇسىنىلاتىن جاڭا جۇيەسى ازاماتتىق قوعامنىڭ دامۋىنا، جەرگىلىكتى اتقارۋشى ورگاندار قىزمەتىنىڭ جاريالى بولۋىنا ىقپال ەتەدى.سونداي-اق، اۋىل شارۋاشىلىعى جەرلەرىن بەرۋ پروسەستەرىن اقپاراتتاندىرۋعا جانە ونىڭ اشىق بولۋىنا باعدارلانعان. ازىرلەنگەن زاڭ جوباسى كوپشىلىك تالقىلاۋىنا ۇسىنىلادى. ءبىز ول زاڭدى قاراشا ايىندا پارلامەنت ماجىلىسىنە ەنگىزۋدى جوسپارلاپ وتىرمىز. جەر رەفورماسى جونىندەگى كوميسسيامەن ايماقتاردى ارالاعاندا، xالىقتىڭ كونكۋرس ارقىلى جەردى جالعا بەرۋىنە قارسىلىعىن بايقادىم. ويتكەنى، بىرىنشىدەن اشىقتىق جوق. سونداي-اق قوعامدىق ۇيىمدار وكىلدەرىنىڭ كىرمەۋى. سول سەبەپتى بۇل جۇمىس توبىنىڭ ماقسات – جەردى xالىققا بەرۋدى رەتتەۋ»، - دەيدى ەرلان نىسانبايەۆ.

ۆيسە-مينيستر جەر رەفورماسى جونىندەگى كوميسسيانىڭ قابىلداعان ۇسىنىستارى نەگىزگە الىناتىنىن جانە جۇمىس توبىنا كىمدەردىڭ مۇشە بولعانىن ايتىپ ءوتتى.

«كونكۋرسقا جەرگىلىكتى اتقارۋشى ورگاننىڭ وكىلدەرىنەن تىس، قوعامدىق ۇيىمدار مەن ۇلتتىق پالاتا وكىلدەرى مىندەتتى تۇردە كىرۋى كەرەك. ءار جەر ۋچاسكەسى بويىنشا شەشىم قابىلدايتىن كەزدە جالپى ادىلەتتى بولۋ جانە اشىق بولۋ ءۇشىن كوميسسيا قۇرامىنداعى مۇشەلەردىڭ  50%-ى قوعامدىق ۇيىمداردان جاساقتالادى. جەردى جالعا العاندارعا جاۋاپكەرشىلىك جۇكتەلەدى.ياعني جەردىڭ قۇنارلىعىن ساقتاۋ قاجەت. سوندىقتان ءتيىستى ورگان العاشقى بەس جىل بويى وسىنى تەكسەرىپ وتىرادى. ول جەرگە قانداي ءداندى-داقىل ەگىلدى، قالاي پايدالانىپ جاتىر – بارلىعى قاداعالانادى. وسى زاڭ جوباسى جەردى پايدالانۋدى جان-جاقتى قامتيدى دەگەن ويدامىن»،- دەدى ول.