الماتى وبلىسى جامبىل اۋدانىندا قاراقشىلاردىڭ قولىنان قازا تاپقان ءۇش ازاماتتىڭ ءبىرى قادىلبەك ءالىمحان ۇلىنىڭ جانازاسىندا وبلىس اكىمىنىڭ ورىنباسارى باقتيار ونەربايەۆ قولعا تۇسكەن قىلمىسكەرلەردىڭ قاتاڭ جازالاناتىنىن ايتتى، - دەپ حابارلايدى Qamshy.kz.
«كەشە وبلىس اكىمى اماندىق عابباس ۇلى وبلىس اكتيۆىن جيناپ، بولعان وقيعاعا قاتىستى ءبىرقاتار تاپسىرمالار بەردى. سول تاپسىرمامەن ءبىز وسىندا كەلىپ، جانازاعا قاتىسىپ جاتىرمىز. ەكىنشى تاپسىرما – قولعا تۇسكەن قىلمىسكەرلەردىڭ زاڭعا ساي قاتاڭ جازاعا تارتىلۋى. ول قاراقشىلار، ارينە، زاڭ الدىندا سازايلارىن تارتادى. ءبىز وعان كەپىلدىك بەرەمىز»، - دەگەن وبلىس باسشىسىنىڭ ورىنباسارى حالىقتى وسى ماسەلە توڭىرەگىندە الىپ-قاشپا اڭگىمەلەرگە، ىرىتكى سالۋعا جول بەرمەۋگە شاقىردى.
ەستەرىڭىزگە سالساق، وتكەن 18 قىركۇيەك كۇنى الماتى وبلىسى جامبىل اۋدانىندا ءۇش بىردەي ازامات قاراقشىلاردىڭ قولىنان قازا تاپقان بولاتىن. وسى وقيعاعا قاتىستى پوليسيا ەكى كۇدىكتىنى قاماۋعا الدى.
