سەرىك احمەتوۆ ءىسى بويىنشا سوتتالعان قاراعاندى وبلىسىنىڭ بۇرىنعى اكىمى باۋىرجان ابدىشيەۆ ۇكىمەتكە ءبىر تيىن دا قايتارمايتىن بولدى. ويتكەنى سۋديا 3 ميلليون 636 مىڭ تەڭگەنى ءوندىرۋدى تالاپ ەتكەن «مادەنيەت، دەمالىس ساياباقتارى جانە گۇلزارلار» باسقارماسىنىڭ ارىزىن، نەگىزسىز دەپ شەشتى. مەكەمە وكىلدەرى، باۋىرجان ابدىشيەۆ پەن تاعى ءۇش ايىپتالۋشى، جول توسەنىشتەرىن قىمبات باعاعا ساتىپ، مەملەكەتكە شىعىن كەلتىردى دەپ سوتقا شاعىمدانعان، - دەپ حابارلايدى Qamshy.kz 31-ارناعا سىلتەمە جاساپ.

سوت تىڭدالىمىنا سەرىك احمەتوۆ ءىسى بويىنشا سوتتالعان ءۇش ەكس-شەنەۋنىكتىڭ بىرەۋى دە كەلگەن جوق. قورعاۋشىلار ايىپتالۋشىلار قاتىسپاسا دا بولادى دەيدى. ويتكەنى، "مادەنيەت، دەمالىس ساياباقتارى جانە گۇلزارلار» باسقارماسى تۇسىرگەن ارىز ازاماتتىق سوتپەن قارالىپ جاتىر ەكەن.

 مادەني ساياباق باسقارماسىنىڭ وكىلدەرى قوماقتى سومانى وبلىستىڭ بۇرىنعى اكىمى باۋىرجان ابدىشيەۆتەن وزگە، قاراعاندى اكىمىنىڭ بۇرىنعى ورىنباسارى مۇحتار ادامبەكوۆ پەن تۇرعىن ءۇي كوممۋنالدىق شارۋاشىلىق ءبولىمىنىڭ ەكس باسشىسى ايدوس جاكەنوۆتەن دە ءوندىرۋدى تالاپ ەتكەن. سوزدەرىنشە، قاراعاندى وبلىسى بۇرىنعى اكىمىنىڭ يەلىگىندەگى «ەۆروستاندارت قاراعاندى» كومپانياسى جول توسەنىشتەردى قىمبات باعاعا ساتقان. وسىلايشا، ۇكىمەتكە 3 ميلليون 636 مىڭ تەڭگە شىعىن كەلتىردى دەيدى.

ەرجان تۇرىمبايەۆ، «دەمالىس ورنى جانە مادەني ساياباقتار باسقارماسى» قمك وكىلى:

- ۋششەرب ناشەمۋ پرەدپرياتيۋ نە پريچينەن. ودناكو يمەەتسيا ۋپۋششەننايا ۆىگودا ۆ ۆيدە 3 ميلليونا 636 تەنگە. ۆسە.

ءبىراق قورعاۋشىلار شىعىنعا باتپاسا كومپانيانىڭ سوتقا شاعىم ءتۇسىرۋى، تىپتەن، نەگىزسىز دەيدى. سوندىقتان القا بيلەردەن شىعىن كولەمىن دە، ارىزدى دا جوققا شىعارۋدى تالاپ ەتەدى. ويتكەنى داعدارىس قىسپاققا العان جىلدارى جول توسەنىشتەرى ساياباق باسقارماسىنا ارزان باعامەن ساتىلدى دەيدى. كەرىسىنشە ەكس-شەنەۋنىك باۋىرجان ابدىشيەۆكە ەسكەرتكىش ورناتۋ كەرەكتىگىن ايتادى.

مەيرام شايمەردەنوۆ، قورعاۋشى:

- باۋىرجان ابدىشيەۆ قاراعاندى وبلىسىنىڭ كاسىپكەرلەرىنە سەرتيفيكاتتالعان جولتوسەنىشتەرىن ەڭ ارزان باعاعا ساتقانى ءۇشىن ەسكەرتكىش ورناتۋ كەرەك. شىعىنعا ساياباق باسقارماسى ەمەس، "ەۆروستاندارت قاراعاندى" كومپانياسى ۇشىراعان. سوندىقتان بۇل ارىز نەگىزسىز دەپ سانايمىن.

مەيرامگۇل سالقىمبايەۆا، تءىلشى:

- ءبىراق سۋديا «مادەنيەت، دەمالىس ساياباقتارى جانە گۇلزارلار» باسقارماسى» تۇسىرگەن ارىزدى قاناعاتتاندىرمادى. ياعني ەكس-شەنەۋنىكتەردەن 3 ميلليون 636 مىڭ تەڭگە وندىرىلمەيتىن بولدى.  ايتا كەتەيىك، ەكس-پرەمەر سەرىك احمەتوۆ پەن بۇرىنعى اكىم باۋىرجان ابدىشيەۆتەن «گورسۆەت» ەپيزودى بويىنشا دا 202 ميلليون تەڭگە كولەمىندە ماتەريالدىق شىعىن تالاپ ەتىلۋدە. قاراعاندى قالاسىنىڭ اكىمى نۇرلان اۋباكىروۆتىڭ ارىزى بويىنشا ازاماتتىق سوت وتىرىستارى ءبىر ايدان كەيىن باستالادى دەگەن اقپارات بار.