جاڭادان تاعايىندالعان ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ، جۇمىسپەن قامتۋ، مەملەكەتتىك قىزمەت كورسەتۋ ساپاسىن ارتتىرۋ، الداعى جىلىتۋ ماۋسىمىنا دايىندىق جانە ەگىن جيناۋ ناۋقانى ماسەلەلەرى تالقىلانىپ، اتالعان ۇكىمەت وتىرىسى العاش رەت ونلاين-رەجىمدە تىكەلەي كورسەتىلگەندىگىن اتاپ ءوتۋ ماڭىزدى، - حابارلايدى Qamshy.kz anatili.kazgazeta.kz سايتىنا سىلتەمە جاساپ.

الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ ماسەلەسى بويىنشا ق ر ۇلتتىق ەكونوميكا ءمينيسترى قۋاندىق بيشىمبايەۆ ەسەپ بەرىپ، جىل باسىنان بەرى تۇتىنۋ باعاسىنىڭ يندەكسى 5،4، ونىڭ ىشىندە ازىق-تۇلىك تاۋارلارى 5،2 پايىزعا وسكەندىگىنە توقتالىپ، ازىق-تۇلىك تاۋارلارىنىڭ قىمباتتاۋ سەبەپتەرىن اتاپ كورسەتتى. باعانى رەتتەۋ ءۇشىن جۇمىس جۇرگىزىلىپ جاتقاندىعىن، وسى رەتتە الەۋمەتتىك ءمانى بار تاۋارلار باعاسىنىڭ وسۋىنە جول بەرمەۋ ءۇشىن نورماتيۆتىك-قۇقىقتىق بازانى جاڭارتۋدى ۇسىندى.
ەڭبەك نارىعىنداعى جاعدايدى، جۇمىسپەن قامتۋ ماسەلەسىن تىلگە تيەك ەتكەن دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا «جۇمىسپەن قامتۋدىڭ جول كارتاسى – 2020» باعدارلاماسىنىڭ جۇمىسىنا توقتالدى. باعدارلامانىڭ ءبىرىنشى باعىتى بويىنشا ۇستىمىزدەگى جىلى ەلدى مەكەندەردە شامامەن 39،4 مىڭ جۇمىس ورنىن قۇرۋ ءۇشىن 5096 جوبانى جۇزەگە اسىرۋ كوزدەلىپ وتىرعاندىعىن، ەكىنشى باعىت اياسىندا 794 ادام كاسىپكەرلىك نەگىزدەرىن ۇيرەنۋگە مۇمكىندىك السا، 5384 ادام شاعىن نەسيە الىپ، 2975 ادام جەكە كاسىبىن اشقاندىعىن، ءۇشىنشى باعىت بويىنشا 5210 ادام كاسىبىن ارتتىرۋ ءۇشىن تەگىن وقۋعا مۇمكىندىك العاندىعىن جەتكىزدى.
مەملەكەتتىك قىزمەتتەردىڭ جەتىلدىرىلۋىنە قاتىستى شارالار جونىندە اقپارات جانە كوممۋنيكاسيالار ءمينيسترى داۋرەن ابايەۆ ءسوز الىپ، قازاقستاندا مەملەكەتتىك قىزمەتتى الۋدىڭ ءۇش نەگىزگى ارناسى: «ەلەكتروندى ۇكىمەت» پورتالى، «ازاماتتار ءۇشىن ۇكىمەت» مەملەكەت­تىك كورپوراسياسى، مەملەكەتتىك قىزمەتتەردى كورسەتۋ ماسەلەلەرى بويىنشا ءبىرىڭعاي بايلانىس ورناتۋ ورتالىعى جونىندە باياندادى. «بۇگىندە مەملەكەتتىك قىزمەت تىزىلىمىندە 739 قىزمەت بار، ونىڭ 530-ىن «ەلەكتروندى ۇكىمەت» جانە مەملەكەتتىك كورپوراسيا ارقىلى الۋعا بولادى. جىل سوڭىنا دەيىن كورسەتىلەتىن قىزمەتتەر سانى 80 پايىزعا ارتىپ، 583 مەملەكەتتىك قىزمەتتى قۇرايتىن بولادى» دەدى د.ابايەۆ.
ەگىن جيناۋ ناۋقانى تۋرالى اۋىل شارۋاشىلىعى ۆيسە-مينيسترى قايرات ايتۋعانوۆ بايانداپ، ەلىمىزدە تا­مىزدىڭ ءۇشىنشى ونكۇندىگىنەن باستاپ ەگىن جيناۋ ناۋقانى باستالعاندىعىن، ءقازىر جۇمىس قارقىندى جۇرگىزىلىپ جاتقاندىعىن جەتكىزدى.
ءوز كەزەگىندە ق ر پرەمەر-مي­ءنيسترى ب.ساعىنتايەۆ ءار سالاعا قاتىستى ماسەلەلەردى اتاپ ءوتىپ، ءتيىستى ورىندارعا تاپسىرمالار جۇكتەدى.