پەتروپاۆل قالاسىندا كەزەكتi بوس جۇمىس ورىندارىنىڭ جارمەڭكەسi ءوتتi. ءسولتۇستiكقازاقستاندىقتاردى جۇمىسقا ورنالاستىرۋ بارىسىمەن ءوڭiر باسشىسى ەرiك سۇلتانوۆ جەكە تانىستى، - دەپ حابارلايدى Qamshy.kz  قازاقپارات سايتىنا سىلتەمە جاساپ.

جارمەڭكەگە قالا جانە وبلىستىڭ كەيبiر اۋداندارىنان 38 كاسiپورىن قاتىستى، ولار كەلۋشiلەرگە جالپى سانى 471 بوس جۇمىس ورىندارىن ۇسىندى. اتالعان جارمەڭكەگە 500 ادام قاتىستى.

ۇستىمىزدەگى جىلى وتكiزiلگەن بوس جۇمىس ورىندارى جارمەڭكەلەرi ءجونiندە وبلىس اكiمi ەرiك سۇلتانوۆقا پەتروپاۆل قالاسىنىڭ جۇمىسپەن قامتۋ جانە الەۋمەتتiك باعدارلامالار ءبولiمiنiڭ باسشىسى گۇلميرا جاكەن قىزى بايانداپ ءوتتi.

وبلىس اكiمi بوس جۇمىس ورىندارىن ۇسىنعان جۇمىس بەرۋشi كومپانيالاردىڭ قىزمەتكەرلەرگە قوياتىن تالابىن جانە ۇسىنىلاتىن جالاقى مولشەرi تۋرالى سۇرادى. ەرiك سۇلتانوۆ جۇمىس بەرۋشiلەرگە ءتاجiريبەسi بار قىزمەتكەرلەرمەن قاتار، جاس مامانداردى دا قىزمەتكە تارتۋعا ۇسىنىس بiلدiردi.

«ءتاجiريبەسi جوق ماماندى الىپ، ۇيرەتكەن دۇرىس، بۇدان بولەك، جالاقىسى دا جاقسى بولۋى قاجەت. مىسالى، ينجەنەردiڭ جالاقىسى 100 مىڭنان كەم بولماۋى كەرەك. سوندا عانا جاقسى مامان، سوعان سايكەس جاقسى تەحنولوگيا بولادى»، - دەپ اتاپ ءوتتi ەرiك سۇلتانوۆ.

جىل باسىنان بەرi وبلىستا بارلىعى 8 بوس جۇمىس ورىندارىنىڭ جارمەڭكەسi وتكiزiلدi. وندا 134 كاسiپورىن مەن ءتۇرلi ۇيىمدار 1671 بوس جۇمىس ورىندارىن ۇسىندى.

بوس جۇمىس ورىندارىنىڭ جارمەڭكەلەرiنە قاتىسۋ ارقىلى 341 ادام جۇمىسپەن قامتىلسا، ولاردىڭ 73-i تۇراقتى جۇمىسقا ورنالاسقان. ال، 42-i ۋاقىتشا قوعامدىق جۇمىستارعا تارتىلسا، 7-i الەۋمەتتiك جۇمىس ورىندارىنا الىندى. تاعى 21-نە قايتا دايارلاۋ كۋرستارىندا وقۋعا جولداما بەرiلدi.