الماتى وبلىسىندا زورلانعان 56 جاستاعى ايەل اۋرۋحانادان شىقتى، - دەپ حابارلايدى Qamshy.kz قازاقپاراتقا سىلتەمە جاساپ. 

بۇل تۋرالى الەۋمەتتىك جەلىدەگى «سەكسۋالدى زورلىققا قارسى ۇلتتىق قوزعالىس» توبىندا حابارلاندى.

ەرىكتىلەردىڭ جازۋىنا قاراعاندا، زورلىق كورگەن ايەل 28 قىركۇيەك كۇنى ەسىك قالاسىنداعى اۋرۋحانادان شىققان.

«تۋىسقاندارىنىڭ ايتۋىنشا، ونىڭ جاعدايى ءالى دە اۋىر. ق ر دەنساۋلىق ساقتاۋ جانە الەۋمەتتىك دامۋ مينيسترلىگى ونىڭ كوزىنە وتا جاساۋعا كۆوتا ءبولدى. الايدا، ونىڭ دەنساۋلىعى وتانى كوتەرەتىن جاعدايدا ەمەس. ونىڭ باسى مەن دەنەسىندەگى ىسىك كەتكەن جوق. ونىڭ دەنە جاراقاتتارى ءالى دە بار، باس اۋرۋى باسىلماي وتىر. دارىگەرلەر بۇل ءۇش-تورت ايعا سوزىلۋى مۇمكىن ەكەنىن ايتىپتى. تۋىسقاندارى مۇنداي جاعدايدا ونى اۋرۋحانادان شىعارۋ ەرتە دەپ سانايتىنىن، مەديسينالىق ەمدەۋدىڭ تولىق كۋرسىنان ءوتىپ بىتپەدى دەپ سانايتىنىن ايتىپ وتىر»، دەپ جازىلعان الەۋمەتتىك جەلىدەگى حابارلامادا.

زورلىق كورگەن ايەلدىڭ اعايىن-تۋىستارىنىڭ ايتۋىنشا، قىلمىسكەردىڭ ءالى دە قولعا تۇسپەي، قامالماعانى ولاردىڭ اشۋ-ىزاسىن تۋعىزعان. الماتى وبلىسى ءىىد-نىڭ حابارلاۋىنشا، كۇدىكتى انىقتالدى. ءىس ءقازىر ق ر قك 120-بابىنىڭ 2 ءبولىمى (زورلاۋ) بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە الىنعان.
ەسكە سالا كەتەيىك، 21 قىركۇيەك كۇنى الماتى وبلىسىنىڭ «بايتەرەك» اۋىلىندا 56 جاستاعى ايەل زورلانعان بولاتىن.

بۇل تۋرالى زارداپ شەككەن ايەلدىڭ تۋىستارى الەۋمەتتىك جەلىدە حابارلاعان. ولاردىڭ ايتۋىنشا، 56 جاستاعى ايەل ءوزىنىڭ «بايتەرەك» اۋىلىنداعى ۇيىندە اياۋسىز زورلانعان.