ازاتتىق راديوسىنا ءوزىن جاڭاوزەن ەرەۋىلى كەزىندە شەتكە كەتكەن بوسقىن رەتىندە تانىستىرعان ايەل ادام پولشاداعى زگەرج قالاسىنىڭ تۇبىندەگى بوسقىندار لاگەرىندە تۇرىپ جاتقانىن ايتتى.
ماۋسىمنىڭ 18ء-ى كۇنى ازاتتىق راديوسىمەن حابارلاسقان دينا بابيشيەۆانىڭ ايتۋىنشا، پولشاداعى بوسقىندار لاگەرىندە 10-15 قازاق وتباسى بار. - مىنا جەردە جاڭاوزەننەن كەلگەندەر بار. ولار – جاڭاوزەن وقيعاسىنان كەيىن قاشقان ازاماتتار. بوسقىنداردىڭ اراسىندا مۇنايشى بولىپ جۇمىس ىستەگەندەرى بار. ولاردىڭ كەيبىرى رەسەي ارقىلى قاشىپ شىققان، - دەدى دينا بابيشيەۆا. تۇركيا ارقىلى قاشىپ شىعۋ 50 جاستاعى دينا بابيشيەۆانىڭ ايتۋىنشا، ولار بوسقىن مارتەبەسىن الۋ ءۇشىن ۆارشاۆاداعى بۇۇ-نىڭ بوسقىندار جونىندەگى اگەنتتىگىنە قۇجاتتارىن تاپسىرىپ قويعان. - بىزگە التى ايدىڭ ىشىندە سۇحبات الىنىپ، حابار بەرىلەدى دەپ ايتقان»، - دەدى قازاق بوسقىنى. دينا بابيشيەۆا جەلتوقسان ايىندا تۇركيا ارقىلى پولشاعا وتكەنىن ايتادى. - جەلتوقسان ايىندا قازاقستاننان قاشىپ، تۇركياعا كەلدىك. وندا مۇسىلماندارعا كومەكتەسەتىن ءبىر ۇيىم بار ەكەن. سولار ۋكرايناعا دەيىن بيلەت الىپ بەردى. سول جەردەن پولشاعا قاراي بەت الدىق. اقپاننىڭ 14-ىندە وسى جەرگە كەلدىك. كەرى دەپورتاسيالانۋ ءقاۋپى اقتاۋ قالاسىنان قاشقان دينا بابيشيەۆانىڭ ايتۋىنا قاراعاندا، ونىڭ كۇيەۋى بەكبولسىن قوجانازاروۆ «قاراجانباسمۇناي» كومپانياسىندا جۇمىس ىستەگەن. ونىڭ ايتۋىنشا، مۇنايشىلاردىڭ ەرەۋىلىنە قاتىسقان كۇيەۋى تامىز ايىندا ءىس-تۇسسىز جوعالىپ كەتكەن. - ميليسيادان سۇراسام، «بىزدە ونداي ادام جوق، بىزگە ونداي ادام تۇسكەن جوق» دەپ ايتتى. كۇيەۋىمنىڭ قايدا ەكەنىن بىلمەيمىن، - دەدى ول.
دينا بابيشيەۆانىڭ حابارلاۋىنشا، جۇما كۇنى (15 ماۋسىم) پولشانىڭ قۇقىق قورعاۋ ورگاندارىنىڭ قىزمەتكەرلەرى بوسقىندار لاگەرىندە تەكسەرۋ جۇرگىزگەن. «وسى رەيدتەن كەيىن دەپورتاسيالانۋىمىز مۇمكىن دەپ قاۋىپتەنىپ وتىرمىز» دەدى قازاق بوسقىنى. بابيشيەۆانىڭ ايتۋىنشا، لاگەردەگى وزگە قازاق بوسقىندارى وزدەرى تۋرالى اقپارات بەرۋدەن باس تارتىپ وتىر، سەبەبى باستارىنا ءقاۋىپ تونەدى دەپ قورقادى. ال ازاتتىق راديوسىنىڭ پولشاداعى بوسقىندار لاگەرىنىڭ اكىمشىلىگىمەن بايلانىسۋ ارەكەتتەرى ازىرشە ءساتسىز بولدى. 2011 جىلعى جەلتوقساننىڭ 16-سى جاڭاوزەن قالاسىندا پوليسيا مەن ارنايى جاساق ەرەۋىلدەپ تۇرعان مۇنايشىلارعا وق اتقان ەدى. رەسمي مالىمەتتەرگە سايكەس، جاڭاوزەن وقيعاسىندا 16 ادام قازا تاۋىپ، جۇزدەن استام ادام جارالانعان. تومەندەگى جەرگىلىكتى تۇرعىننىڭ كوپ قاباتتى ءۇي تەرەزەسىنەن تۇسىرگەن YouTube ۆيدەوسىندا جاڭاوزەندەگى پوليسيا مەن ارنايى جاساقتىڭ ىس-ارەكەتى كورىنەدى. بۇل بەينەجازبا قاندى وقيعانىڭ سيپاتى انىق كورىنگەن تاريحي دەرەككە اينالدى.
«ازاتتىق راديوسىنىڭ» سايتىنان الىندى.
پىكىر قالدىرۋ