تالدىقورعاندا ۇزتازدار كۇنىنە وراي، الماتى وبلىسىنىڭ اكىمى اماندىق باتالوۆتىڭ قاتىسۋىمەن سالتاناتتى شارا ءوتتى دەپ حابارلايدى Qamshy.kz ءتىلشىسى.
ۇزتازداردى ۇلىقتاۋعا ارنالعان جيىن «جاستار» سپورت سارايىندا ۇيىمداستىرىلدى.
بالالار شىعارماشىلىق ورتالاقتارىنىڭ ۇيىمداستىرعان كونسەرتتىك باعدارلامامەن شىمىلدىعىن اشقان شارا، وبلىس باسشىسى اماندىق عابباس ۇلىنىڭ قۇتتىقتاۋ سوزىمەن جالعاستى.
«ۇستاز – قوعامداعى ەڭ قۇرمەتتى دە ءقادىرلى ماماندىقتاردىڭ ءبىرى. ويتكەنى، ادامي قاسيەتتەردڭ بويىنا سىڭىرگەن شىنايى ۇستاز ءوز شاكىرتىنىڭ جۇرەگىنە بىلىمگە دەگەن قۇشتارلىقتى جانە وتانىنا دەگەن سۇيىسپەنشىلىكتى ۇيالاتادى»، – دەپ ءمۇعالىمنىڭ قوعامداعى ءرولىن اتاپ وتكەن ءوڭىر باسشىسى، جەتىسۋ جەرىندەگى ءبىلىم سالاسىنا قاتىستى جەتىستىكتەرگە كوڭىل اۋداردى.
«بۇگىندە 2011 جىلمەن سالىستىرعاندا ءبىلىم سالاسىنىڭ بيۋدجەتى 2 ەسەگە ۇلعايىپ، 148 ملرد.تەڭگەنى قۇراۋدا. تاۋەلسىزدىك العاننان بەرى وبلىسىمىزدا 174 جاڭا ءبىلىم بەرۋ مەكەمەلەرى بوي كوتەردى. ءقازىر وڭىرىمىزدە 21 مەكتەپتىڭ قۇرىلىسى ەۇرۋدە. ءبىلىم كۇنىنە وراي، 6 مەكتەپ ەسىگىن اشسا، جىل سوڭىنا دەيىن تاعى 3 مەكتەپ پايدالانۋعا بەرىلمەك»، - دەيدى ءوڭىر باسشىسى.
بۇدان كەيىن اماندىق باتالوۆ ۇستازداردىڭ كاسىبي بىلىكتىلىگىن ارتتىرۋ ماقساتىنداعى كەشەندى جۇمىستارعا توقتالىپ، سونىمەن بىرگە، مۇعالىمدەردىڭ ماتەريالدىق جاعدايىن كوتەرۋ شارالارىن تىزبەكتەپ ءوتتى.
وبلىس باسشىسىنىڭ قۇتتىقتاۋ ءسوزى ماراپاتتاۋ راسىمىنە ۇلاسىپ، ۇستازدار ءھام ءبىلىم بەرۋ مەكەمەلەرى اراسىنداعى 7 ءتۇرلى نوميناسيادا وتكەن بايقاۋ قورىتىندىلارى جاريالاندى. ناتيجەسىندە «جىلدىڭ ۇدىك ءمۇعالىمى» بايقاۋىندا جامبىل اۋدانى ءۇ. كارىبايەۆ اتىنداعى ورتا مەكتەبىنىڭ بيولوگيا ءپانىنىڭ ءمۇعالىمى گۇلحان نۋرگازييەۆا جەڭىمپاز اتانىپ، وبلىس اكىمىنىڭ قولىنان تەمىر ءتۇلپاردىڭ كىلتىن الدى.
