بىلتىر قىزمەتى توقتاتىلعان الماتى ترامۆاي دەپوسىنىڭ اۋماعىنا جۇزەگە اسىرىلۋى مۇمكىن دەلىنگەن 20 جوبا قاراستىرىلۋدا، - دەپ حابارلايدى Qamshy.kz.
«الماتى قالاسىن دامىتۋ ورتالىعى» سايتىندا ۇزدىك كونسەرسيا ءۇشىن داۋىس بەرۋ 16 قازاندا اياقتالماق.
ۇسىنىلعان 20 جوبانىڭ ىشىندە قوناق ءۇي، ساۋدا ورتالىقتارى، مەيرامحانا كەشەندەرى بار الاڭ، ساياباق سىندى قوعامدىق ورىندار دا بار.
الماتىلىقتاردىڭ داۋىسى شەشەتىن جوبالارعا ساراپشىلار كوميسسياسى دا باعا بەرەدى. ونداعىلار جوبانىڭ بايقاۋ قاعيدالارى مەن مىندەتتەرىنە سايكەستىگىنە، جوبا مودەلىنىڭ تەحنولوگيالىق، ەكونوميكالىق تيىمدىلىگىنە، باسقارۋ ۇلگىسىنىڭ تۇراقتىلىعىنا باستى نازار اۋداراتىن كورىنەدى.
بايقاۋ قورىتىندىسى 24 قازاندا شىقپاق.
