ق ر ورتالىق مەملەكەتتىك مۋزەيىنىڭ ديرەكتورى نۇرسان ءالىمباي باتىردىڭ مۇردەسىن ەلگە جەتكىزۋ پروسەسسىنىڭ قالاي جۇزەگە اسىرىلعانىن ايتىپ بەردى، - دەپ حابارلايدى  Qamshy.kz Tengrinews.kz كە سىلتەمە جاساپ.  

ايتا كەتەيىك، بۇگىن تاڭعى ۋاقىتتا استاناعا كەيكى باتىردىڭ مۇردەسى جەتكىزىلگەن بولاتىن.  

"باتىردىڭ مۇردەسى قازىرگى ۋاقىتتا ق ر مادەنيەت جانە سپورت مينيسترلىگىندە ساقتاۋلى. بۇل - باسسۇيەك. دنق-نى انىقتاۋ ءۇشىن كوپ جۇمىس قاجەت. ءبىز ۆەنگر انتروپلولوگتارىمەن كەلىسىم جاساستىق، ولار تاياۋ كۇندەرى جۇمىسقا كىرىسەدى"، - دەدى ءالىمباي. ول مۇردەنىڭ جەر قوينىنا تاپسىرىلاتىنىن ايتتى. 

"باتىردىڭ مۇردەسىن ەلگە قايتارۋ جۇمىستارىمەن ءبىر توپ ادام اينالىستى. ونىڭ قۇرامىنا ق ر مادەنيەت جانە سپورت مينيسترلىگىنىڭ جانە ورتالىق مەملەكەتتىك مۋزەيىنىڭ وكىلدەرى ەندى. مادەنيەت جانە سپورت مينيسترلىگىنىڭ باسشىلىعى ۇكىمەتتىڭ باستاماسىمەن ءونىمدى ەڭبەك ەتتى. مەن وسى ماسەلەنى شەشۋمەن 8 جىل بويى اينالىستىم. ساياسي ماسەلەلەرى جوعارى دەڭگەيدە ءوتتى. رەسەيلىكتەر ءبىزدىڭ وتىنىشىمىزگە تۇسىنىستىكپەن قارادى. بۇل مۇردە ۇلى پەتر اتىنداعى انتروپولوگيا جانە ەتنوگرافيا مۋزەيىنىڭ انتروپولوگيا قورىندا بولدى. شامامەن 100 جىلداي ساقتالعان. "كۋنستكامەراعا" كىرۋگە مۇمكىندىك بولدى"، - دەدى ءالىمباي.  

باتىردىڭ مۇردەسى ماسكەۋدەن استاناعا بۇگىن، 6 قازاندا تاڭعى ساعات 5.00-دە جەتكىزىلدى. 

ەستەرىڭىزگە سالساق، بيىل 12 تامىزدا قازاقستاننىڭ بۇرىنعى پرەمەر-مينيسترى كارىم ءماسىموۆ رف ۇكىمەت ءتوراعاسى دميتريي مەدۆەديەۆپەن كەزدەسۋى بارىسىندا وتكەن ءجۇز جىلدىقتاعى ۇلت-ازاتتىق قوزعالىستىڭ كوشباسشىسى كەيكى باتىردىڭ مۇردەسىن ەلگە قايتارۋ تۋرالى ماسەلەنى كوتەرگەن ەدى. دميتريي مەدۆەديەۆ بۇل ماسەلەنى انىقتاپ، شەشۋ ءۇشىن قاجەتتى تاپسىرمالار بەرەتىنىن ايتتى. "مەن اۋىزشا جانە ەگەر قاجەت بولسا، جازباشا تاپسىرما بەرىپ، بۇل ماسەلەنىڭ انىق-قانىعىن انىقتايتىن بولامىن"، - دەپ جاۋاپ بەردى مەدۆەديەۆ ءماسىموۆتىڭ ۇلت كوسەمدەرىنىڭ مۇردەلەرىن كومۋ ءۇشىن قازاقستانعا قايتارۋ تۋرالى وتىنىشىنە.

كەيكى (نۇرماعانبەت) كوكەمباي ۇلى - 1916 جىلعى تورعايدا بولعان ۇلت-ازاتتىق كوتەرىلىسىنىڭ باتىرى، اتاقتى مەرگەن. ورتا ءجۇز قۇرامىنداعى قىپشاق تايپاسىنىڭ قۇلانقىپشاق رۋىنان شىققان. قوستاناي وبلىسى امانكەلدى اۋدانىنىڭ بايتۋما قوپاسىندا دۇنيەگە كەلگەن. ول رەسەي پاتشاسىنىڭ 1916 جىلعى ماۋسىم جارلىعى سەبەپ بولعان تورعاي قازاقتارىنىڭ ۇلت-ازاتتىق كوتەرىلىسىنە العاشقى كۇندەرىنەن بەلسەنە ارالاسىپ، سول كوتەرىلىستى ۇيىمداستىرۋشىلاردىڭ ءبىرى بولدى. قازاقستان ۇلتتىق ەنسيكلوپەدياسىنداعى مالىمەت بويىنشا، ول تورعايدا قىزىل اسكەر قولىنان ايۋاندىقپەن ولتىرىلگەن. ونىڭ باسى ءقازىر سانكت-پەتەربۋرگتەگى انتروپولوگيالىق قوردىڭ كۋنستكامەراسىندا ساقتاۋلى بولدى. كەيكى باتىر كوكەمباي ۇلىنىڭ ۇرپاقتارى قوستاناي وبلىسىنىڭ امانگەلدى اۋدانىنداعى اقتاس، تاستى ەلدى مەكەندەرىندە تۇرادى. 1996 جىلى كەيكى باتىردىڭ 125 جىل تولۋىنا بايلانىستى اس بەرىلىپ، ەسكەرتكىش ورناتىلدى.