ءقازىردىڭ بۇل جۇكتىلىكتىڭ قۇپياسىن جەمقورلىققا قارسى ءىس-قيمىل جونىندەگى ۇلتتىق بيۋرو قىزمەتكەرلەرى انىقتاۋدا، - دەپ حابارلايدى Qamshy.kz.

ۇلتتىق بيۋروداعىلاردىڭ حابارلاۋىنشا، وقيعا 2013 جىلدىڭ جەلتوقسانىندا الماتىداعى سي-18 مەكەمەسىندە بولعان. بيۋرونىڭ الماتى دەپارتامەنتى ءقازىر ق ر قىلمىستىق كودەكسىنىڭ 362-بابى (بيلىكتى جانە لاۋازىمدىق وكىلەتتىكتەرىن اسىرا پايدالانۋ) بويىنشا سوتقا دەيىنگى تەرگەۋ شارالارىن جۇرگىزۋدە.

«قاماۋداعى ايەلدىڭ جۇكتى بولۋ فاكتىسى بويىنشا ءىس بىزگە الماتى قالاسىنىڭ پروكۋراتۋراسىنان ءتۇستى. قازىرگى ۋاقىتتا تەرگەۋدىڭ جان-جاقتىلىعىن، تولىقتىعى مەن ءىس ءمان-جايىنىڭ وبەكتيۆتىلىگىن قامتاماسىز ەتۋ ءۇشىن تەرگەۋ شارالارى وتۋدە»، - دەلىنگەن جەمقورلىققا قارسى قىزمەت وكىلدەرى تاراتقان حابارلامادا.

تۇرمەدە زورلانعان كەلىنشەك 2009 جىلى سوتتالعان. كولونيا قابىرعاسىندا تاعى ءبىر رەت قۇقىقبۇزۋشىلىق جاساعان. وسى ارەكەتى تەرگەلىپ جاتقان تۇستا ونى الماتىداعى سي-18 مەكەمەسىنە اۋىستىرعان. قىلمىسكەر كەلىنشەك وسى مەكەمەدە ءجۇرىپ جۇكتى بولعان.

ەستەرىڭىزگە سالساق، قاماۋداعى ناتاليا سلەكيشينانى زورلاۋ ءىسى بويىنشا ايىپتالعان تەرگەۋ يزولياتورىنىڭ قىزمەتكەرى رۋسلان حاكيموۆ 2016 جىلعى 30 قىركۇيەك كۇنى 9 جىلعا باس بوستاندىعىنان ايرىلعان بولاتىن. «سلەكيشينانى زورلاۋ» وقيعاسى اقپارات قۇرالدارى مەن الەۋمەتتىك جەلىدە قىزۋ تالقىلانىپ، ۇلكەن قوعامدىق رەزونانس تۋعىزعان ەدى.