نيۋ-يوركتە وقىپ جۇرگەن الماتىلىق ءۇش ستۋدەنت اقش-تىڭ فلوريدا شتاتىنداعى "مەتيۋ" داۋىلىنىڭ ەپيسەنترىندە بولعان، - دەپ حابارلايدى  Qamshy.kz Tengrinews.kz-كە سىلتەمە جاساپ.

ستۋدەنتتەردىڭ ءبىرى شىڭعىستىڭ ايتۋىنشا، ولار كەشەدەن بەرى مايامي اۋەجايىندا.

"ءبىز مۇندا 3 قازاندا دوسىمىزدىڭ تۋعان كۇنىنە كەلگەن ەدىك. وسىعان دەيىن ءبىز داۋىل جايلى بىلگەن دە جوقپىز. بارلىعى ويلاماعان جەردەن باستالىپ كەتتى. ءبىز نيۋ-يورككە 6 قازاندا مايامي ۋاقىتى بويىنشا قايتۋ كەرەك بولاتىنبىز. سودان Fort Lauderdale Florida اۋەجايىنا باردىق. اۋەجايدىڭ قىزمەتكەرلەرى ءبىزدى سوندا ورنالاستارىپ، تاماقتاندىردى. وسىندا بولعانىمىزعا 15 ساعاتتان استى"، - دەيدى شىڭعىس.

ال ق ر ءسىم داۋىل استىندا قالعان قازاقستاندىقتارعا ۆاشيگتونداعى ق ر ەلشىلىگىنەن كومەك سۇراۋعا كەڭەس بەردى. ءبىراق ءبىزدىڭ وتاندىق مامىلەگەرلەرگە وسى ۋاقىتقا دەيىن داۋىلدان زارداپ شەككەن ق ر ازاماتتارى جايلى حابارلاما كەلمەگەن ەكەن.

"وسى ۋاقىتقا دەيىن بىزگە ق ر ازاماتتارى زارداپ شەكتى دەگەن اقپارات كەلگەن جوق. وسىنداي حابار كەلگەن جاعدايدا ءبىز ولارعا جەدەل تۇردە ۆاشينگتونداعى ق ر ەلشىلىگىمەن بايلانىسىپ، قازاقستانداعى كونسۋل بولىمدەرىنە حابار بەرۋگە كەڭەس بەرەتىن ەدىك"، - دەدى ق ر ءسىم باسپا ءسوز قىزمەتىنىڭ باسشىسى ءانۋار جايناقوۆ.

ۆاشينگتونداعى قازاقستان ەلشىلىگىمەن +1 202-232-5488 نومىرىنە حابارلاسىپ نەمەسە washington@mfa.kz/ kzconsuldc@gmail.com پوشتالارىنا حات جىبەرۋگە بولادى.

قازىرگى ۋاقىتتا "مەتيۋ" داۋىلى كاريب ارالىعىنداعى باسسەيندە قاتتى سوعىپ جاتىر. ريا نوۆوستي باسىلىمىنىڭ مالىمەتىنشە، اقش پرەزيدەنتى باراك وباما بەيسەنبىدە كەشكى ۋاقىتتا دجوردجيا شتاتىنداعى "مەتيۋ" داۋىلىنا بايلانىستى توتەنشە جاعداي رەجيمىن جاريالاعان. وسىعان دەيىن گايتيدە "مەتيۋ" داۋىلىنان 280 ادامنىڭ قازا تاپقانى حابارلانعان بولاتىن.

ايتا كەتەيىك، "مەتيۋ" داۋىلى اتلانتيكادا 2007 جىلدان بەرگى ەڭ ءقاۋىپتى داۋىل بولدى. جەرگىلىكتى ۋاقىت بويىنشا 6 قازاندا داۋىل فلوريداعا، كەيىن دجوردجياعا، سولتۇستىك جانە وڭتۇستىك كاروليناعا جەتەتىنى ايتىلادى.