وڭتۇستىك قازاقستان وبلىسىنىڭ اكىمى بولىپ جانسەيىت تۇيمەبايەۆ تاعايىندالدى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.
وقو-نى بۇعان دەيىن باسقارعان بەيبىت اتامقۇلوۆ باسقا جۇمىسقا اۋىسۋىنا بايلانىستى لاۋازىمىنان بوساتىلدى.
ج. تۇيمەبايەۆ 1958 جىلى 8 شىلدەدە وڭتۇستىك قازاقستان وبلىسى قاينار اۋىلىندا دۇنيەگە كەلگەن. ءبىراز جىل عىلىمي، اعارتۋشىلىق قىزمەت اتقارعان.
1993 جىلدان باستاپ سىرتقى ىستەر مينيسترلىگى جۇيەسىندە ىستەدى.
ءار جىلدارى پرەزيدەنت پروتوكولىندا، ەلشىلىك، ءبىلىم جانە عىلىم ءمينيسترى قىزمەتتەرىندە بولعان. سوڭعى اتقارعان لاۋازىمى – قر-نىڭ تۇركياداعى توتەنشە جانە وكىلەتتى ەلشىسى.
