90 جاسقا كەلگەن پولياك رەجيسسەرى اندجەي ۆايدا جەكسەنبى كۇنى كەشكە دۇنيەدەن وزدى، - دەپ حابارلايدى Qamshy.kz قازاقپارات-قا سىلتەمە جاساپ.

«سوڭعى كەزدەرى رەجيسسەر اۋىرىپ ءجۇردى. بىرنەشە كۇن بۇرىن اۋرۋحاناعا ءتۇستى. ەمدەلىپ شىعاتىنىنا ۇمىتتەنىپ ەدىك»، - دەدى TVN-24 تەلەارناسىنىڭ ەفيرىندە سەناريست، رەجيسسەر ياسەك برومسكيي .

«قىركۇيەك ايىنىڭ اياعىندا گدىنيا قالاسىنداعى كينوفەستيۆالدە 1920-1930 جىلعى پولياك اۆانگاردىنىڭ پيونەرى، سۋرەتشى ۆلاديسلاۆ سترجەمينسكييدىڭ سوڭعى جىلدارى تۋرالى باياندالعان ۆايدانىڭ "پوسلەوبراز" (Powidoki) جاڭا ءفيلمى تانىستىرىلعان بولاتىن.  سوڭعى جۇمىسى ءۇشىن ارنايى جۇلدەنى اۆتور قازىلار القاسىنىڭ قولىنان ءوزى العان بولاتىن. كەيىن بەلگىلى بولعانداي، پولياك كينوونەر ينستيتۋتى اتالمىش لەنتانى «وسكار» سىيلىعىنىڭ  «شەت تىلىندەگى ۇزدىك فيلم» نوميناسياسىنا ۇسىنعان.  

پولشادا كوڭىل ايتۋ سوزدەرى كەشكىلىك مەرزىمگە قاراماستان، جەكسەنبى كۇنى جولدانا باستادى.  العاشقىلاردىڭ ءبىرى بولىپ، ەل پرەزيدەنتى اندجەي دۋدا كوڭىل ايتتى. «اڭىزعا اينالعان پولياك رەجيسسەرى، «وسكار» يەگەرى اندجەي ۆايدا قايتىس بولدى. ءبىز ونى ماڭگىلىك ەستە ساقتايمىز»، - دەپ جازدى ول ءوزىنىڭ Twitter پاراقشاسىنا.

اندجەي ۆايدا 1926 جىلى 6 ناۋرىزدا سۋۆالكيدە دۇنيەگە كەلدى. وعان كەڭ تانىمالدىلىق ۆارشاۆالىق كوتەرىلىسكە قاتىسۋشىلار دىڭتاعدىرى تۋرالى تۇسىرىلگەن «كانال» (1956) فيلمىنەن كەيىن كەلدى. رەجيسسەر كارتينا ءۇشىن بىرنەشە جۇلدەگە، سونىڭ ىشىندە كانن كينوفەستيۆالىنىڭ ارنايى جۇلدەسىنە (1957) يە بولدى.