پەتروپاۆلدا 23 جاستاعى باسكەتبولشى يگور نانايەۆ قايتىس بولدى. قالاداعى تۇنگى كلۋبتاردىڭ بىرىندە اياۋسىز سوققىعا جىعىلعان جاس جىگىت تىلگە كەلمەستەن اۋرۋحانادا جان تاپسىردى.
بۇل تۋرالى Qamshy.kz Nur.kz-سىلتەمە جاساپ حابارلايدى.
توبەلەس 3 قازان كۇنى بولعان. كۇدىكتىلەر نانايەۆتىڭ باسىن اسفالتقا سوققىلاپ، ونىڭ تىستەرىن سىندىرىپ تاستاعان. استىڭعى ەرنى تۇگەلدەي جىرتىلىپ كەتكەن جىگىتتىڭ ميى اۋىر زاقىمدانعانى بەلگىلى بولدى.
يگور نانايەۆتىڭ سۇيىكتىسىنىڭ ايتۋىنشا، بۇل وقيعا پوليسيا بەكەتىنە جاقىن ماڭدا ورىن العان. دارىگەرلەر باسكەتبولشىنىڭ ميى توبەلەستەن كەيىن مۇلدە جۇمىس ىستەمەي قالعانىن مالىمدەدى. بۇگىندە اتالعان قىلمىسقا بايلانىستى سوتالدى تەرگەۋ باستالدى.
