«جۇمىسپەن قامتۋ-2020—جول كارتاسى» باعدارلاماسى اياسىندا وڭىرىمىزدە جۇمىسقا تۇرىپ، وتباسىن اسىراپ جاتقان جاندار از ەمەس.
وبلىسىمىزدا شاعىن جانە ورتا كاسىپكەرلىكتى بەرىك قولعا العان جاستاردىڭ قاتارى كۇن ساناپ ارتىپ وتىر. ماسەلەن، تۇلكىباس اۋدانىندا 70-تەن استام ازامات «جۇمىسپەن قامتۋ-2020 - جول كارتاسىنىڭ» شاراپاتىن كورىپ وتىر. ايتۋ كەرەك، باعدارلاماعا قاتىسۋشىلاردىڭ 50 پايىزى - جاسى وتىزدان ەندى اسقاندار. «جاس كەلسە ىسكە» دەمەكشى، بۇرىن جۇمىسسىز جۇرگەن جاستار ەندى تىرلىكتى ءوندىرىپ ىستەمەك. كوڭىل-كۇيلەرى جوعارى.
جانە تاعى ءبىر ايتا كەتەرلىگى، تۇلكىباس اۋدانىندا مايرا قىدىرالييەۆا جاقىندا جيھاز سەحىن ىسكە قوستى. وزىنەن بولەك، ەكى ازاماتتى جۇمىسپەن قامتىپ وتىر. ەكى جىل بۇرىن مەملەكەتتىك باعدارلاماعا قاتىسۋعا نيەت بىلدىرگەن. ءوتىنىشى شىلدە ايىندا قاناعاتتاندىرىلىپ، «اۋىل شارۋاشىلىعىن قولداۋ قورى» اق ارقىلى 3 ملن. تەڭگە نەسيە الدى. ەندىگى مەجە – جارتى جىلدا كەتكەن شىعىننىڭ ورنىن تولتىرىپ، تابىس كولەمىن ۇلعايتۋ.
مايرا سەكىلدى ارنايى سەرتيفيكاتقا يە بولعان جانداردىڭ قاتارى بيىل 100-دەن اسقان. ونىڭ 77ء-سى 202 ميلليون تەڭگەنىڭ نەسيەسىن الىپ، ءوز كاسىپتەرىن باستادى. كوپشىلىگى مال باسىن ارتتىرىپ، قورا-جايلارىن كەڭەيتۋدى كوزدەيدى. اۋىلدى جەردە ەگىن جانە مال شارۋاشىلىعىمەن اينالىسقان وتە ءتيىمدى. سەبەبى، جەر بار، سۋ، ءشور بار. ەڭ باستىسى، نيەت بولسا بولدى. ىستەيمىن دەگەن ادامعا مەملەكەت شەكتەۋ قويمايدى.
تۇلكىباس اۋدانىندا بۇگىندە جۇمىسسىز جۇرگەن جانداردىڭ سانى 1300-دەن اسادى. مەملەكەت قولداۋى ارقاسىندا بۇل پروبلەما الداعى ەكى-ۇش جىلدىڭ كولەمىندە تۇبەگەيلى شەشىلمەك.
