ۇدەمەلى يندۋستريالدى-يننوۆاسيالىق دامۋ باعدارلاماسى ەل ەكونوميكاسىنىڭ وركەندەۋىنە وڭ ىقپال ەتىپ كەلەدى. بىرنەشە باعدارلامالاردىڭ جيىنتىعىنان تۇراتىن جوبانىڭ ىشىندە بەلسەندىلەرىنىڭ ءبىرى رەتىندە "جۇمىسپەن قامتۋ 2020 جول كارتاسى" باعدارلاماسىن اتاۋعا بولادى. ماماندار «جۇمىسپەن قامتۋ-2020 جول كارتاسى» باعدارلاماسى اياسىندا نەسيە العىسى كەلگەندەردىڭ باسىم بولىگى مال شارۋاشىلىمەن اينالىسۋدى قالايتىندار دەيدى. كەلەسى كەيىپكەرىمىز زاتىنىڭ ايەل ەكەنىنە قاراماستان اتا كاسىپتى جالعاستىرىپ وتىر. سوزاق اۋدانى قاراعۇر اۋىلىنىڭ تۇرعىنى شىنار التىنبەكوۆا نارىق زامانىنا ىلەسۋ ءۇشىن، كاسىپكەر بولۋدى قالادى. قازىرگى تاڭدا ساۋدا ورىندارىنداعى سۇرانىسقا قاراي، كاسىپكەرلىكپەن اينالىسۋدىڭ ەڭ ءتيىمدى جولى – مال اسىراپ، ەت پەن ءسۇت ءوندىرۋ كەرەك ەكەندىگىن ءتۇسىندى. ال بۇل ءۇشىن قارجى كەرەك بولدى. وسىعان بايلانىستى «جۇمىسپەن قامتۋ 2020 جول كارتاسى» باعدارلاماسىنىڭ 2-باعىتىنىڭ مۇمكىندىكتەرى ءوز ماقساتىنا جەتۋگە ۇلكەن ناتيجە تۋعىزاتىنىنا سەندى. مامانداردىڭ كەڭەسىنەن كەيىن ءوز ءىسىن اشۋ ءۇشىن شاعىن نەسيە 1 ميلليون تەڭگە الۋدى ۇيعاردى. جينالعان تولىق قۇجاتتار پاكەتىمەن، ۇمىتكەر شىمكەنت قالاسىنداعى اۋىل شارۋاشىلىعىن قارجىلاي قولداۋ قورىنا باعىتتالدى. ماقۇلداۋدى العاننان كەيىن شىنار سۇلتان قىزى نەسيە الىپ، ءوز اۋىلىندا مال شارۋاشىلىعىن دامىتۋ ماقساتىندا قارا مال الىپ كوبەيتۋدە. بۇگىنگى كۇنگە 1 جاڭا جۇمىس ورنىن اشىپ، اۋىل تۇرعىندارىن تۇراقتى جۇمىسپەن قامتۋدا.
ايتا كەتەيىك، «جۇمىسپەن قامتۋ 2020 جول كارتاسى» باعدارلاماسىنىڭ باستى ماقساتى تۇراقتى، ناتيجەلى جۇمىسپەن قامتۋ، حالىقتىڭ ءال-اۋقاتىن كوتەرۋ جانە كەدەيشىلىكپەن كۇرەسۋ، مەملەكەتتىك قولداۋ شارالارىن كورسەتۋ بولىپ تابىلادى. ال باعدارلامانىڭ ەكىنشى باعىتىنىڭ سيپاتى : اۋىلداعى كاسىپكەرلىكتىڭ دامۋىنا كومەك كورسەتۋ. كاسىپكەرلىكتى ىنتالاندىرۋ ازاماتتاردىڭ جەكە ءىسىن ۇيىمداستىرۋ نەمەسە كەڭەيتۋ ارقىلى ولاردىڭ ەكونوميكالىق بەلسەندىگىن ارتتىرۋعا باعىتتالعان.
