تۇركىستاندا 600-گە تاياۋ مال بورداقىلداۋ الاڭى بار
«اگروبيزنەس – 2020» مەملەكەتتىك باعدارلاماسى اياسىندا وڭتۇستىك قازاقستان وبلىسىنىڭ مال شارۋاشىلىعىن دامىتۋ ءىس-شارالارىنىڭ 2014-2016 جىلدارعا ارنالعان جوسپارىنا سايكەس تۇركىستان قالاسى بويىنشا ءبىرقاتار يگىلىكتى ىستەر اتقارىلدى.
سوڭعى ەكى جىلدا تۇركىستاندا 343 ازامات 920 ميلليون 400 مىڭ تەڭگە نەسيە الىپ، شاعىن مال بورداقىلاۋ الاڭدارى مەن جانۇيالىق ءسۇت فەرمالارىن، ءسۇت وڭدەۋ سەحىن اشقان. سونىمەن قاتار، 335 ازامات ءوز قارجىلارى ەسەبىنەن وسى باعىتتا جۇمىستار اتقارعان.
بىلتىر تۇركىستان اۋماعىندا 384 بىرلىك شاعىن مال بورداقىلاۋ الاڭى اشىلسا، سونىڭ ىشىندە قارجى ينستيتۋتتارىنىڭ قارجىلاندىرۋمەن ىسكە قوسىلعاندارى دا بار. وعان 751 ميلليون ءجۇز مىڭ جۇمسالىپ، ءۇش جۇزگە تارتاشاعىن مال بورداقىلاۋ الاڭى ىسكە قوسىلعان.
بيىل جىل باسىنان بەرگى جەتى ايدا 184 شاعىن مال بورداقىلاۋ الاڭى اشىلىپ، ونىڭ ىشىندە 161ء-ى جەكە كاسىپكەرلەردىڭ قارجىسىمەن ىسكە قوسىلعان. ال، قارجى ينستيتۋتتارى ارقىلى 58،5 ملن.تەڭگەگە 23 شاعىن مال بورداقىلاۋ الاڭى ۇيىمداستىرىلدى. ءسويتىپ تۇركىستانداعى مال بورداقىلاۋ الاڭدارىنىڭ جالپى سانى 568-گە جەتتى.
تۇركىستاندا سوڭعى ەكى جىلدا مال بورداقىلاۋ الاڭدارىندا ون ءتورت جارىم مىڭعا تاياۋ ءىرى قارا مال بورداقىلانىپ، ءۇش مىڭعا تارتا ەت ءوندىرىلىپ، قالا حالقىنىڭ قاجەتىنە جاراتىلدى. وندىرىلگەن ءونىم كولەمى 2592،9 ميلليون تەڭگەنى قۇرادى. اتقارىلعان جۇمىستاردىڭ ناتيجەسىندە قالادا ەت ءوندىرۋ كولەمى 104 پايىزعا ارتتى.
