وتىرار اۋدانىندا وندىرىلەتىن ۇلتتىق سۋسىن – شۇبات بۇگىندە بۇكىل قازاقستان نارىعىن قامتىپ وتىر. ۇلتتىق برەندىمىزدىڭ باعاسى قالتاعا قونىمدى، ساپاسى جوعارى. «وتىرار ءسۇت ەت» جاۋاپكەرشىلىگى شەكتەۋلى سەرىكتەستىگى ءتىپتى، جەرگىلىكتى بالاباقشالار مەن مەكتەپ بالالارىن ءبىر مەزگىل ءسۇت ونىمدەرىمەن قامتاماسىز ەتىپ كەلەدى.
«وتىرار ءسۇت ەت» ستك-سىنىڭ قۇرىلعانىنا نەبارى 3 جىل. كاسىپورىندا بۇگىندە كۇنىنە 1500 ليتر ءسۇت پەن 1000 ليتر ايران وندىرىلەدى. ال، شۇباتتىڭ تاۋلىكتىك شىعارىلىمى ەكى مىڭ ليترگە جۋىقتايدى. ساقتالۋ مەرزىمىنە قاراي استانا مەن الماتى قالالارىنا جونەلتىلۋدە. نەگىزگى تۇتىنۋشىلار – جەرگىلىكتى تۇرعىندار.
«وتىرار ءسۇت ەت» كووپەراتيۆى ءسۇتتىڭ مايلىلىعىن ساقتاي وتىرىپ، ءونىم دايىندايتىندىقتان، اسىرەسە، شۇباتتىڭ ساقتالۋ مەرزىمى ۇزاق ەمەس. ەندى ۇجىم جاڭا يننوۆاسيا جەلىسىمەن ۇنتاقتالعان شۇبات ءوندىرۋدى جوسپارلاپ وتىر. تۇيە ءسۇتى اعزاعا وتە پايدالى بولعاندىقتان، ءونىمنىڭ بۇل تۇرىنە سۇرانىس جوعارى،-دەيدى ماماندار.
«ماياقۇم شۇباتى». اتى ايتىپ تۇرعانداي، شيكى ءونىم وسى جەردەگى 70-كە جۋىق شارۋادان الىنادى. كەيبىر قوسپالار مەن قاجەتتى قۇرىلعىلار رەسەيدەن اكەلىنەدى. سەرىكتەستىك جۋىردا «ماكسيمۋم» قارجى ۇيىمىنان 100 ميلليون تەڭگە نەسيە الدى. قاراجات ارنايى مال بورداقىلاۋ ورىندارىن اشىپ، ۇنتاقتالعان تۇيە ءسۇتىن وندىرەتىن قۇرىلعىلارعا جۇمسالدى. ءقازىر بۇل ءىس توڭىرەگىندە 50-گە تارتا جەرگىلىكتى ازامات تەر توگىپ ءجۇر.
باقتيار اسىلحان ۇلى، «وتىرار-سۇت-ەت» ستك-نىڭ ءتوراعاسى
ەتتى ۆاكۋۋمداپ وڭدەپ، تۇيە ءسۇتىن قۇرعاقتاي ەكسپورتقا شىعارۋعا دايىندالىپ جاتىرمىز. ويتكەنى، ءقازىر تۇيە ءسۇتىن ءبىز 36-اق تاۋلىك ساقتايمىز. ال، قۇرعاق تۇرىندە ونى 1 جىلعا دەيىن ساقتاۋعا بولادى. سول سەبەپتى دە ءبىز وسى جۇمىستاردى قولعا الىپ وتىرمىز. مەملەكەتتەن ۇلكەن كولەمدە قارجى العانبىز. ءىسىمىزدى ءسويتىپ باستاعانبىز. مىنە، جۇمىسىمىز جاندانىپ وتىر.
