ەلىمىزدەگى جىلىجايلاردىڭ تەڭ جارتىسىنا جۋىعى سارىاعاش اۋدانىندا ەكەنىن بىرەۋ بىلسە، بىرەۋ بىلە بەرمەيدى. سوندىقتان، سارىعاشتىڭ كوكونiس ءوندiرەتىن ناعىز «فابريكاعا» اينالا الاتىن مۇمكىندىگى مول. شاردارا، وتىرار اۋداندارى جانە ارىس، تۇركىستان قالالارىندا سۇرانىسقا يە جۇگەرى ەگۋ جانە ونى وندەۋ جۇمىستارى قولعا الىنۋدا. ال سوزاق، بايدىبەك اۋداندارىندا مال شارۋاشىلىعى دامىسا، تۇركىستان يندۋستريالىق ايماعىندا شۇبات زاۋىتى سالىنباق. تاياۋدا تۇركىستان قالاسىنىڭ اكىمى زاۋىتتى سالۋعا نيەتتى شەتەلدىك ينۆەستورمەن كەلىسىمشارت جاسالىپ، جۇمىستار باستالعانىن حابارلادى. مۇنان بولەك، تۇركىستان، ارىس، وتىرار، سوزاقتا تۇيە ءسۇتىن جيناۋ پۋنكتتەرى اشىلاتىن بولادى.ءبىز بىلەتىن وبلىس اكىمدىگىنىڭ اۋىل شارۋاشىلىعى سالاسىنداعى وڭ باستامالارى بار. مۇنان وزگە سان سالادا بولىپ جاتقان وڭ وزگەرىستەر كوپ. بيىلدىڭ وزىندە 24 شەتەلمەن بارىس-كەلىس ورناتىلىپ، وبلىسقا وڭتۇستىك تاريحىندا بولماعان ينۆەستيسيا تارتىلعانىن ايتۋعا ءتيىسپىز. جەتى جۇزدەن استام شەتەلدىڭ ءىرى كاسىپكەرى قۇنى 2 ميلليارد دوللاردى قۇرايتىن جوبالاردى جۇزەگە اسىرۋعا ىنتا بىلدىرگەنىنىڭ ءوزى ۇلكەن جەتىستىك، تىندىرىمدى تىرلىك. بۇل ىستە وبلىس اكىمىنىڭ ورىنباسارلارى مەن باسقارما باسشىلارى كاسىپكەرلەردى ەرتىپ، قۇرلىقتىڭ سان تارابىنا ارنايى بارىپ، دامىعان ەلدەرمەن تاجىريبە الماسىپ، ولارمەن كەلىسسوزدەر جۇرگىزە الاتىن دارەجەگە جەتتى. بۇگىندە سول الىس-بەرىس، بارىس-كەلىس ءوز ناتيجەسىن بەرىپ، وبلىستا 24 جوبا تىڭنان جۇزەگە اسىرىلۋدا. ءوڭىرىمىزدىڭ ءىرى كاسىپكەرلەرى الەمگە تانىمال الپاۋىت برەند يەلەرىمەن بىرىگىپ كاسىپتىك قارىم-قاتىناس جاساۋدا. داعدارىس دەپ دۇرلىگىپ، دامىعان ەلدەردىڭ وزدەرى دە نە ىستەرلەرىن بىلمەي دالاقتاپ قالعاندا بۇل ۇلكەن تابىس بولىپ سانالادى.
كۇنى كەشە عانا وڭتۇستىكتە «ەل تاۋەلسىزدىگىنىڭ 25 جىلدىعىنا – 25 يگى ءىس» ايلىق شاراسى قولعا الىندى. «دەنى ساۋدىڭ جانى ساۋ»، «الەۋمەتتىك قولداۋ»، «وتباسىن قولداۋ»، «بىرلىگى جاراسقان تاۋەلسىز قازاقستان!» جانە «يگى ءىس جاساۋعا اسىق» اتتى بەس ءتۇرلى ايلىق شارالار جەلتوقسان ايىنا دەيىن جالعاسادى.
وبلىستا قولعا الىنعان جۇمىستاردىڭ بارلىعى دا حالىقتىڭ جاعدايىن جاقسارتۋ ءۇشىن جاسالۋدا. ەكونوميكامىزدىڭ لوكوموتيۆى سانالاتىن اگرارلىق ءوندىرىستى وركەندەتسەك، مەملەكەت باسشىسى ايتقان «جۇمىسپەن قامتۋدىڭ جول كارتاسى» اياسىندا «اۋىلداعى جۇمىس ورنى» جاڭا جوباسى تولىق جۇزەگە اسادى. جاڭا جۇمىس ورىندارى كوپتەپ اشىلىپ، ازاماتتارىمىز تۇراقتى تابىستارعا قول جەتكىزسە، ەلدىڭ الەۋەتى ارتادى.
قاناتبەك دوسالييەۆ، «اۋىل» حالىقتىق-دەموكراتيالىق پاتريوتتىق پارتياسى وبلىستىق فيليالىنىڭ ءتوراعاسى
وڭتۇستىك قازاقستان وبلىسى
