«قازكونتەنت» اق باسشىسى بولىپ شىڭعىس شاراپييەۆ تاعايىندالدى، - دەپ حابارلايدى Qamshy.kz.

بۇل تۋرالى اقپارات جانە كوممۋنيكاسيا ءمينيسترى داۋرەن ابايەۆ فەيسبۋكتەگى پاراقشاسىندا جازدى.

«بۇگىندە ەلىمىزدىڭ اقپاراتتىق نارىعىندا ۇلكەن وزگەرىستەر بولىپ جاتىر. ينتەرنەت اكەلگەن مۇمكىندىكتەر وتاندىق مەديا سالانىڭ بىلگىرلەرىن ۇنەمى تىڭنان جول ىزدەپ، جاڭا فورماتتار تابۋعا باستاۋدا. اۋديتوريانىڭ نازارىن اۋدارۋ ءۇشىن، سونىمەن بىرگە ساپالى كونتەنت جاساۋعا مۇمكىندىك بەرەتىن رەسۋرستار ءۇشىن تارتىستى باسەكە جۇرۋدە.

مويىنداۋ كەرەك، مەملەكەتتىك باق-تاردىڭ وسى جاڭا تالاپتارعا بەيىمدەلۋى ءارتۇرلى دەڭگەيدە. بۇل رەتتە ولارعا باسقا ارىپتەستەرىنە قاراعاندا ايتارلىقتاي جاعداي جاسالىپ وتىرعانى بەلگىلى. بۇل پروبلەمالاردى جاقسى بىلەمىز.
سوندىقتان، ءبىز كۇردەلى وزگەرتۋلەر جاساۋعا دايىنبىز. وسىعان وراي، مەملەكەتتىك باق-تاردىڭ ءاربىرىنىڭ الدىندا ناقتى ماقساتى كورسەتكىشتەر قويىلىپ وتىر. ولار سوعان قول جەتكىزۋگە مىندەتتى.
سونىڭ ىشىندە اقپاراتتىق، مادەنيەت جانە ءبىلىم بەرۋ باعاتتارىنداعى بىرنەشە ينتەرنەت-رەسۋرستى قاناتىنىڭ استىنا العان «قازكونتەنت» اق-نىڭ جۇمىسىنا ايرىقشا كوڭىل بولىنۋدە.

مەديا قۇرىلىم قىزمەتىنىڭ نەگىزىندە مەملەكەت باسا نازار اۋدارىپ وتىرعان اعارتۋشىلىق ميسسياسى جاتىر. بۇل جەردە دامۋ رەيتينگى كونتەنتتىڭ سانىمەن ەمەس، ساپاسىمەن ولشەنۋى ءتيىس. 

جاقىندا ءبىز وتاندىق تاريحقا ارنالعان http://e-history.kz/kz سايتى بازاسىندا جاڭارتىلعان National Digital History ينتەرنەت-پورتالىن تانىستىردىق. مەنىڭ ويىمشا، بىرەگەي ماتەريالدارعا تولى، وتە ساپالى مۋلتيمەديالىق رەسۋرس دايىندالدى.
قازىرگى ۋاقىتتا ءبىز ەلىمىزدىڭ جاس اقىن-جازۋشىلارىنا قولداۋدى كۇشەيتۋ نيەتىمەن adebiportal.kz پورتالىن جاڭعىرتۋعا كۇش سالىپ جاتىرمىز.
باسقا سايتتاردا دا تۇبەگەيلى وزگەرىستەر بولماقشى. بۇل تۋرالى الداعى ۋاقىتتا جەكە توقتالىپ وتەمىز.

ال ازىرشە كەشە «قازكونتەنت» اق-نىڭ جاڭا باسشىسى بولىپ شىڭعىس شاراپييەۆتىڭ تاعايىندالعانى تۋرالى اقپاراتپەن بولىسكەندى ءجون كورىپ وتىرمىن. كوپشىلىگىڭىزدىڭ ونى بىلىكتىلىگى جوعارى، قولىنان ءىس كەلەتىن مامان رەتىندە تانيتىندارىڭىزعا كۇمانىم جوق. شىڭعىسقا جانە كومپانيا ۇجىمىنا تابىس تىلەيمىن» دەپ جازدى مينيستر.