وڭتۇستىك قازاقستان وبلىسىنىڭ اۋىل شارۋاشىلىعىنا بيىل 29 ميلليارد تەڭگە باعىتتالىپ وتىر. وڭتۇستىك قازاقستان وبلىستىق ءماسليحاتىنىڭ كەزەكتەن تىس ءتورتىنشى سەسسياسىندا بايانداما جاساعان ءوڭىر باسشىسى بەيبىت اتامقۇلوۆ وسىنداي قولداۋلاردىڭ ارقاسىندا ەگىس كولەمىن ۇلعايتۋ، يەسىز جەرلەردى يگەرۋ، زاماناۋي تەحنولوگيامەن تامشىلاتىپ سۋعار ءۋادىسىن كەڭىنەن ەنگىزۋ، جىلىجاي جانە قارقىندى باۋ قۇرىلىستارى، مال باسىن اسىلداندىرۋ بويىنشا جۇمىستاردىڭ جۇرگىزىلىپ جاتقانىن تىلگە تيەك ەتتى..
ءبىرىنشى جارتىجىلدىقتىڭ قورىتىندىسىمەن اۋىل شارۋاشىلىعى جالپى ءونىم كولەمى 123 ملرد. تەڭگەنى قۇراپ، 2 پايىزعا ارتتى. ەگىس كولەمى وتكەن جىلدان 13 مىڭ گەكتارعا ارتىپ، 788 مىڭ گەكتاردى قۇرادى. سۋارمالى 466 مىڭ گەكتار جەردىڭ 93% يگەرىلۋدە (434 مىڭ گەكتار). اعىمداعى جىلى داندىك جۇگەرىدەن 108،4مىڭ توننا، كوكونىستەن 811مىڭ توننا، باقشادان 1 252مىڭ توننا، كارتوپتان 195مىڭ توننا، ماساقتى داقىلداردان 470 مىڭ توننا ءونىم جينالدى.
-وبلىستا العاش رەت بيدايدىڭ ورتاشا ونىمدىلىگى 22 سەنتنەردى قۇراپ رەكوردتىق ءونىم الىندى. بىلتىر بۇل كورسەتكىش گەكتارىنا 17،8 سەنتنەردەن اسپاعان بولاتىن،-دەدى
تامشىلاتىپ سۋعارۋ ءادىسى قوسىمشا 6000 جۋىق گەكتارعا ەندىرىلىپ، جالپى كولەمى 49،7 مىڭ گەكتارعا جەتتى. بۇل رەسپۋبليكاداعى تامشىلاتىپ سۋارۋ ەگىستىگىنىڭ 73 پايىزىن قۇرايدى. جىلىجايلار قوسىمشا 72 گەكتارعا سالىنىپ، جالپى 1 098 گەكتارعا جەتتى. رەسپۋبليكاداعى جىلىجايلاردىڭ 87 پايىزى وڭتۇستىكتە. وسى جىلىجايلاردان 80 مىڭ توننا كوكونىس ونىمدەرى جينالدى. ال تەرەڭ قوپسىتۋ تەحنولوگياسى 89 مىڭ گەكتارعا ەنگىزىلدى.
جىل باسىنان فەرمەرلەرگە «ىرىس» قارجىلاندىرۋ ۇيىمى ارقىلى تومەنگى پايىزبەن 486 جوبانى قارجىلاندىرىلۋعا 1،2ملرد. تەڭگە كولەمىندە نەسيە بەرىلگەن. «سىباعا»، «التىن اسىق»، «قۇلان» باعدارلامالارىمەن 35 مىڭنان اسا مال باسى ساتىپ الىندى.
4000 استام ۇساق شارۋاشىلىقتاردى بىرىكتىرەتىن 47 كووپەراتيۆتەر قۇرىلىپ، 9 متس اشىلدى.
