«جۇمىسپەن قامتۋ 2020» جول كارتاسى اياسىندا 5 وڭىردە پيلوتتىق رەجيمدە «اۋىلدا جۇمىسپەن قامتۋ» اتتى جاڭا جوبانى ىسكە اسىرۋ قولعا الىندى. وعان 10 ميلليارد تەڭگە بولىنگەن. بۇل قارجى اۋىلدارداعى جاڭا كاسىپورىنداردى قولداۋعا جانە وعان ماماندار تارتۋعا جۇمسالادى. جانە اۋىلدا جۇمىسسىز جۇرگەن جاندارعا جۇمىس تاۋىپ بەرۋگە نازار اۋدارىلادى. وسى ارقىلى ەل ەكونوميكاسىن كوتەرۋگە بولادى. ەكونوميكاسى دامىعان ەل الەمدىك نارىقتا وزگە ەلدەرمەن تايتالاسا الادى.
مەملەكەت باسشىسىنىڭ تاپسىرمالارىن جۇزەگە اسىرۋعا باعىتتالعان ءىس-شارالار جوسپارى وڭتۇستىكتە دە قارقىندى تۇردە جۇزەگە اسىرىلۋدا. مىسالى، "اگروبيزنەس 2020" باعدارلاماسى اياسىندا وتىرار اۋدانىنىڭ ماياقۇم، بالتاكول اۋىل وكرۋگتەرىندەگى «وتىرار-سۇت-ەت» سەلولىق تۇتىنۋ كووپەراتيۆىنىڭ قۇرامىنا جەرگىلىكتى «سەرىكباي-ب»، «مەيىربەك لتد»، «ۇسەنوۆ-ن» جاۋاپكەرشىلىگى شەكتەۋلى سەرىكتەستىكتەر كىرەدى. بۇل سەرىكتەستىكتەر بىرىگە وتىرىپ، اۋقىمدا جوبالاردى ىسكە اسىرۋدا. كووپەراتيۆ بيىل 190 گەكتار القاپقا «جيەنباي» سورتتى قاۋىن، 130 گەكتارىنا جوڭىشقا، 100 گەكتارىنا جۇگەرى داقىلدارىن ەككەن. بۇل داقىلدار نارىقتا جوعارى سۇرانىسقا يە. جاڭا تەحنولوگيالاردى پايدالانۋ ارقىلى مول ونىمگە قول جەتكىزگەن شارۋاشىلىقتىڭ ونىمدەرىنە سۇرانىس جوعارى. اۋدان اكىمدىگىنىڭ باسپا ءسوز قىزمەتى حابارلاعانداي، بۇگىندە رەسەيدىڭ ماسكەۋ، سانكت-پەتەربۋرگ قالالارىنان كەلگەن كاسىپكەرلەر وزدەرى تاسىمالداپ اكەتۋدە ەكەن. ال، بالتاكولدەگى ديقاندار عىلىمعا نەگىزدەلگەن، سوڭعى وزىق تەحنولوگيالاردى پايدالانىپ 104 گەكتار القاپقا تامشىلاتىپ سۋارۋ ادىسىمەن پياز ەگىپتى. ديقاندار ءار گەكتارىنان 60 توننادان ءونىم الۋدا. بۇل ونىمدەر كەلىسىم-شارت بويىنشا «وتىرار قويما» ءجشس-نىڭ قويماسىندا ساقتالماق. سونىمەن قاتار، 50 گەكتار القاپقا تامشىلاتىپ سۋارۋ ادىسىمەن كۇزدىك پياز ەگىلىپ بىتكەن.
ءدال ءقازىر وڭتۇستىك اۋداندارىندا وسىنداي تىرلىكتەر اتقارىلۋدا. كۇزگى جيىن-تەرىمدە مول ءونىم الۋ جوسپارلانىپ وتىر.
