پرەزيدەنت ن.نازاربايەۆ «ءبىر ماقسات، ءبىر مۇددە، ءبىر بولاشاق» اتتى جولداۋىندا: «ەكونوميكانىڭ جوعارى تەحنولوگيالىق جاڭا سالالارىن قۇرۋ عىلىمدى قارجىلاندىرۋدى ىشكى جالپى ءونىمنىڭ 3 پايىزىنان كەم ەمەس دەڭگەيگە دەيىن ارتتىرۋدى تالاپ ەتەدى. ىشكى جالپى ءونىمنىڭ ەنەرگيا تۇتىنۋ اۋقىمىن 2 ەسە ازايتۋ ماڭىزدى. شاعىن جانە ورتا بيزنەس 2050 جىلعا قاراي قازاقستاننىڭ ىشكى جالپى ءونىمىنىڭ قازىرگى 20 پايىزى ورنىنا كەمىندە 50 پايىزىن وندىرەتىن بولادى. ەڭبەك ونىمدىلىگىن 5 ەسەگە – قازىرگى 24،5 مىڭنان 126 مىڭ دوللارعا دەيىن ارتتىرۋ كەرەك. الەۋمەتتىك سالانى دامىتۋدىڭ 2050 جىلعا دەيىن باستى باعدارلارى ناقتى ينديكاتيۆتى سيفرلاردا كورسەتىلگەن. ءبىز ىشكى جالپى ءونىم كولەمىن جان باسىنا شاققاندا 4،5 ەسە – 13 مىڭ دوللاردان 60 مىڭ دوللارعا دەيىن ارتتىرۋىمىز كەرەك. قازاقستان حالىق قۇرىلىمىندا ورتا تاپ ۇلەسى باسىم ەلگە اينالادى. ۋربانيزاسيانىڭ جاھاندىق ۇردىسىنە وراي قالالىق تۇرعىندار ۇلەسى بارلىق حالىقتىڭ قازىرگى 55 پايىزىنان 70 پايىزداي دەڭگەيگە دەيىن وسەدى. قازاقستاننىڭ قالالارى مەن ەلدى مەكەندەرىن ساپالى جولدار مەن كولىكتىڭ بارلىق ءتۇرىنىڭ جۇردەك باعىتتارى بايلانىستىرادى» – دەپ اتاپ وتكەن بولاتىن. وسى ورايدا وتىرار اۋدانىندا ۇدەمەلى يندۋستريالدى-يننوۆاسيالىق دامۋ باعدارلاماسىن جۇزەگە اسىرۋشى «بيزنەستىڭ جول كارتاسى-2020» باعدارلاماسىنىڭ بانك كرەديتتەرىن سۋبسيديالاۋ جانە بانك نەسيەسىن كەپىلدەندىرۋ باعىتى بويىنشا جەكە كاسىپكەر ۇركىمبايەۆ جۇك تاسىمالداۋ قىزمەتىن كورسەتۋگە 12،0 ميلليون تەڭگە نەسيە قارجى الدى. بۇدان بولەك گرانتتىق قارجىلاندىرۋ بويىنشا جەكە كاسىپكەر ەردەنقۇلوۆ نۇرقۇل سانىراۋقۇلاق ءوسىرۋ جوباسىنا 1،2 ميللين تەڭگە گرانتقا يە بولدى. 2015 جىلى اۋدان تۇرعىندارىنا مال بورداقىلاۋ، مال باسىن كوبەيتۋگە، كىشى سەحتار اشۋعا، ءار ءتۇرلى داقىلدار وسىرۋگە جانە ت.ب. باعىتتار بويىنشا جوبالارعا ءار ءتۇرلى قارجى ينستيتۋتتارى ارقىلى قىسقا جانە ۇزاق مەرزىمگە 3153 جوباعا 1 ملرد 967 ملن 700 مىڭ تەڭگە نەسيە قارجى الىندى. وتكەن جىلى باعدارلاما اياسىندا ەكى جوبا ىسكە قوسىلعان بولاتىن. ولار: تەمىر اۋىل وكرۋگىنەن «وتىرار ءدان» ءجشس-نىڭ جۇگەرىنى كەپتىرۋ جانە ساقتاۋ زاۋىتى جانە شىلىك اۋىل وكرۋگىنەن جەكە كاسىپكەر قۇدىرەتۇللا باقىتجاننىڭ 5000 باس قۇس فابريكاسى.
