32 جاستاعى ايەل  26 قىركۇيەك كۇنى جوعالىپ كەتكەن. نادەجدا پوتاپوۆانىڭ دەنەسى ساياجايدان تابىلدى،- دەپ حابارلايدى Qamshy.kz Stan.kz-كە سىلتەمە جاساپ.

 پوتاپوۆانىڭ جوعالعانى جايلى الەۋمەتتىك جەلىدە حابارلانعان ەدى. داريا سكۆورسوۆا اقپاراتتى تاراتىپ، ىزدەۋگە كومەك سۇراعان.

«نادەجدانى ىزدەۋگە اتسالىسقان بارشاڭىزعا العىس ايتامىز. ونى ساياجايدان تاپتىق. ءبىراق، وكىنىشكە قاراي ءولى كۇيىندە تاپتىق»، – دەپ جازادى ول FOX Town – ليساكوۆسك ناش گورود ۆكونتاكتە جەلىسىندەگى پاراقشادا.

26 قىركۇيەك كۇنى 32 جوعالىپ كەتكەن نادەجدا پوتاپوۆانى ىزدەۋگە ينتەرنات تاربيەلەنۋشىلەرى مەن ستۋدەنتتەر، ەرىكتىلەر مەن جاقىندارى اتسالىسقان ەدى. نادەجدا بيزنەسپەن اينالىسقان جانە ينتەرناتتا ءمۇعالىم بولىپ قىزمەت ەتكەن. پوليسەيلەر ىزدەۋ جۇرگىزدى. قالا پروكۋرورى ەركىن تايشەكوۆتىڭ ايتۋىنشا، اتالعان ىسكە قاتىستى قىلمىستىق ءىس قوزعالدى.