Ninety one (91) توبىنىڭ تانىمالدىلىعى كۇن ساناپ ارتۋدا. ماقتاۋ مەن داتتاۋدى قاتار ەستىپ جۇرگەن اتى شۋلى توپتىڭ شەتەلدە تىڭدارماندارى بارشىلىق. ولار توپ جايلى، توپتىڭ شىعارماشىلىعى تۋرالى عالامتور بەتىندە جارىسىپ جازۋدا.
يۋتۋبتىڭ Neide1Guerreiro دەپ اتالاتىن كانالىندا پورتۋگاليالىق قىزدار جىگىتتەردىڭ بەينەبايانىن كورگەننەن باستاپ Ninety one-نىڭ جانكۇيەرلەرىنە اينالعاندارى تۋرالى ايتادى. قازاقستاندىق توپتى ۇناتقان قىزدار قازاق ءتىلىنىڭ قۇلاققا جاعىمدى ەكەنىن اتاپ ءوتتى. ءبىزدىڭ جىگىتتەردىڭ ءجۇرىس-تۇرىسى، بەت-بەينەسى دە شەتەلدىك تىڭدارماننىڭ نازارىنان قالىس قالمادى. قازاقتاردى كارىسكە قاتتى ۇقساتقان قىزدار مەملەكەتتىك تىلگە كەلگەندە شاتاستى. ورىسشا كوممەنتارييلەردىڭ كوبىرەك جازىلاتىندىعىن بايقاعان ولار ەلدىڭ مەملەكەتتىك ءتىلى ورىس ءتىلى دەپ ويلاپ قالىپتى.
"قازاقستانننىڭ Ninety one توبىنىڭ انشىلەرى كارىستىڭ "Big Bang" توبىن قايتالاپ ءجۇر. مۇنى تولىققاندى پلاگيات دەۋگە بولادى" دەيتىن شەتەلدىكتەر دە جوق ەمەس. دەگەنمەن، توپ جايلى جاعىمدى پىكىر وتە كوپ.
