مەنى ىزدەپ كەلدىڭ سەن بويىڭدا ماحاببات الاۋلاپ، جانىڭدا جاس ارمان سان اۋناپ. سەن كەلدىڭ ارقاڭا قوندىرىپ مەن تۋعان حاجايىپ عالامدى اپ. جەتتىڭ سەن دۋماندى سول اۋىل كەشىنەن، توپىراق ۋىستاپ تۋعان جەر توسىنەن. سەن كەلدىڭ بوتاداي بوزداعان شاعىمدا، تۇماندى كۇندەرى اداسقان كوشىنەن. جۇپار لەپ اڭقيدى بالعىن جاس دەنەڭنەن، ول ءيىس- ەل ءيسى، جەر ءيسى. سەنەم مەن. قۇيامىن كوكىرەك تۇسىنان كەۋدەمە، ءومىرىم وشكەنشە ورتەنىپ وبەم مەن. كوكتەدى جادىمدا دۇنيە جاڭارىپ، وتكەن ءبىر ەلەستەر قايتادان ورالىپ. مەندەگى ساعىنىش سەكىلدى سارعايعان جاپىراق جامالىن جاتامىن ورانىپ.
قوڭىر قۇلجا ءۇيىرىقارا ناردىڭ وركەشىندەي بۇل تاۋدان، كۇمىس ءمۇيىز ارقار اۋعان، بۇلت اۋعان... توراڭعى مەن توبىلعىلار بۇرلەگەن، ارقارلاردىڭ جاسىمەنەن ءبىر تامعان. مەكەن ىزدەۋ- ول قانداعى تەكتىلىك، قۋ مەديان قۇلا تۇزگە بەت بۇرىپ. قوڭىر قۇلجا تارتتى ءۇيىرى دۇركىرەپ، سەكى تاستىڭ سەڭگىرىندە كوپ تۇرىپ. ارقار اۋدى، ارقا جەلى ىزعىرىق، سىرقىراتتى سۇيەكتەردى كۇزدە ۇلىپ. تارتتى قۇلجا ارمانىنىڭ تۇساۋىن، كۇرەڭبەلدىڭ كودەسىنە ءۇزدىرىپ. تۇياقتارىن تومار قاقتى، تاس قاقتى، جانارلارىن ءمولدىر-مولدىر جاس جاپتى. تاپتىداعى تارتتى الدىعا سەرىلەر، عاسىرلاردان قالعان كونە سوقپاقتى... تامىرىندا قايناعان قان - تولى اعىن، قيماستىقتىڭ قيقىم ەتىپ جولاعىن. دۇركىرەگەن ارقارلاردىڭ ىشىندە، ءوزىم كەتىپ بارا اتقانداي بولامىن!
نە تاپتىمءسۇيىپ ەدىم نە تاپتىم؟ سۇيكىمىمدى كەتىردىم. كۇيىپ ەدىم نە تاپتىم؟ كۇيىك تارتىپ وتىرمىن. قاراي بەرىپ نە تاپتىم؟ كوز جىلادى قارىعىپ. ساعىنعاننان نە تاپتىپ؟ سابان بولدىم زارىعىپ. جولىعىپ ەم نە تاپتىم؟ جولدا ءجۇرمىن سەرىكسىز. اڭساپ ەدىم نە تاپتىم؟ اڭىرادىم ەرىكسىز. ىزدەگەننەن نە تاپتىم؟ ءىز كورسەتپەس ەپتى عوي. قۇمارتقاننان نە تاپتىم؟ قولعا قونباي كەتتى عوي. شۇيلىگىپ ەڭ قىرانشا، اڭعا ءتۇستىڭ جاڭىلىپ. جانتاي ەندى جۇرەگىم، ايدىڭ نۇرىن جامىلىپ.
اق تورعاياق ۇلپا قانات اق تورعاي سەن دە ءبىر جەتىم قۇس ەدىڭ، مەن دە ءبىر جەتىم ۇل بولدىم... باسىنا جۇرگەن ب ا ق قونباي. اسپانىڭ سەنىڭ تۇماندى، ەرتەڭىم مەنىڭ كۇماندى. سالتاناتىمدى مۇڭ الدى، «سامارقانىمدى سۋ الدى». كونەم دە قايتەم كونەم دە! اينالا ءۇشتىڭ توبەمدە، ەركەلىك كەتتى سەنەن دە، ەركىندىك كەتتى مەنەن دە. قونا الماي ءجۇرسىڭ، قايتەيىن اينالىپ اشا بۇتاققا. قونا الماي ءجۇرمىن، قايتەيىن قونىسىم قۇرىپ، جۇتاپ تا. تاڭدايىڭنان بال تامباي، قايعىدان قارا قان تامعان. ارقارداي اۋعام، وتكەندە ارقانىڭ جەلى ارقامنان. مەن ساعان قامقور بولايىن، سەن ماعان سۇيەۋ بول جانىم. بىزدەرگە باسقا، وسىناۋ پانيدە پانا جوق جانىم.
اڭساۋكوڭىلىمنەن وشىرە الماي ەسكى ءىزدى، اتتاندىردىم قۇسقا بايلاپ كوپ كۇزدى. كوك ءبورىنىڭ ءۇنى مە ەكەن قارلىعىپ، بۇلا داۋىس بۋلىققان شەر جەتتى ىزگى. شۋاعىنا جەرىك بولىپ جوق نۇردىڭ، جەسىر كۇننىڭ جەلكەسىندە كوپ تۇردىم. ءوزىم ەرتە ارۋلاعان باقىتتىڭ، قابىرىنە قۇران وقىپ كەپ تۇرمىن. سايقال تىرلىك ساياسىندا قالعىدىم، مەن اڭسادىم ارۋ كوكتەم جاڭبىرىن. جالعان كۇنگە ءۋاج ايتىپ جاتادى، شىندىقتارى كەبىندەلگەن تاعدىرىم. اقىن مۇڭى دەۋشى ەدى عوي سەرى مۇڭ، ايتا-ايتا سەرى مۇڭنان جەرىدىم. سۇلۋلىققا قۇشتار بولعان كوڭىلىم، باسىلارما سەنىڭ عازەز جەرىگىڭ؟! بالعىن عاشىق سۇيەنگەن بالا تالعا، ءنىلىن قۇيىپ اق گۇلدىڭ الاقانعا. باعزى كۇنىم باسىن قايتا بۇرارداي، الاتاۋعا قارايمىن الا تاڭدا. * * * قىزىقپايتىن قىز ۇناتار التىنعا، شالقى كوڭىل شالقارىڭا شارق ۇردا. تابانىمنىڭ تابى ءتۇسسىن نار قۇمعا، جانارىمدا ءجايدىڭ وتى جارقىلدا. كوكتەم كەلسە كوكورايلى تۇلەپ قىر، مەنىڭ جانىم سۇلۋلىقتى تىلەپ تۇر. قارا تاسقا جابىسا وسكەن قىناعا، عاشىق بولعان جۇرەك بۇل. قىزىقتىرماس قىزىعى جوق قۋىس ب ا ق، گۇلدەن شىرىن جيناعانمىن ۋىستاپ. شەر كوڭىلدىڭ شەرىن شەرتىپ جاتامىن، جۇمىر جەردىڭ جۇرەگىمەن تىنىستاپ. قىران ءۇنى- سالعان ءانىم دەگەنىم، بيىك-ارمان، بيىك ۇشسام دەپ ەدىم. دۇنيەنىڭ دۇبىرىمەن دۇرلىگىپ، دۇر باتىردىڭ سوڭىنا ەرىپ كەلەمىن. كوكەيىمدە شىرقالماعان ءبىر ءان ءجۇر، كوز الدىمدا كولبەڭدەيدى بۇلاڭ نۇر. ايعاي ،كوڭىل، قىزعالداق بوپ كوكتەرسىڭ، جاتقانىمەن قىراۋ قىر.
بوستاندىقجۇرەگىمدى ۋلاعان جوق قۇنسىز مۇڭ، مۇڭىم مەنىڭ جالعان بولسا...قۇنسىزبىن. تابيعاتتىڭ سۋرەتكەرى ەدىم مەن، ءار كوڭىلگە كەلەدى ىلعي كۇن سىزعىم. سايتان دۇنيە سەزىمىمدى ءجيى ۇرلاپ، ءۇن بويىمدى شاققىلايدى ءبۇيى ب ا ق. جۇرەكتەرگە جاھۇت شاشقىم كەلەدى، كوكىرەگىمە كۇن جاۋھارىن قۇيىپ اپ. ءبورى بابام جورتقان دوڭدە ۇلىدىم، زاھار ءتۇننىڭ ءزارىن جۇتىپ سۋىدىم. شولپان تۋار شاقتى اڭسادىم، جامىلىپ جىرتىق قوستىڭ جۇرتتا قالعان جۇلىعىن. ... تابيعاتتىڭ سۋرەتكەرى ەدىم مەن، ءار كوڭىلگە كەلەدى ىلعي كۇن سىزعىم.
پىكىر قالدىرۋ