اقتاۋ تۇرعىندارى الەۋمەتتىك جەلىلەر مەن مەسسەندجەرلەردە ءتورت جاسار قىزدىڭ زورلانعانى تۋرالى اۋديوجازبامەن بەلسەندى ءبولىسىپ جاتىر، دەپ حابارلايدى Qamshy.kz قازاقپارات سايتىنا سىلتەمە جاساپ.

اۋديوجازبادا ماڭعىستاۋ وبلىسى، باياندى اۋىلىندا زورلانعان ءتورت جاسار قىزدىڭ وبلىستىق بالالار اۋرۋحاناسىندا قايتىس بولعانى باياندالادى.

سونىمەن بىرگە، اقتاۋ قالاسىندا 10 جاسار بالانىڭ جوعالىپ كەتكەنى تۋرالى اقپارات تا جەلىلەرگە تەز تارادى. پوليسيا قىزمەتكەرلەرى قاڭقۋ سوزدەرگە قاتىستى پىكىر ءبىلدىرىپ، قالالىقتاردى راستالماعان اقپارات كوزدەرىنە سەنبەۋگە شاقىردى. اۋديوجازباداعى قىز زورلانعان بالا تۋرالى اقپاراتتى تانىس مەيىربيكەدەن ەستىگەنىن ايتادى.

«تۇنگى اۋىسىمنان كەلگەن مەيىربيكە باياندى اۋىلىندا ءتورت جاسار قىزدىڭ زورلانعانىن ايتتى. ءبۇلدىرشىن جان ساقتاۋ بولىمىندە كوز جۇمدى»، - دەيدى اۋديوحابارلاماداعى قىز.

ماڭعىستاۋ ءىىد باسپا ءسوز قىزمەتىنىڭ مالىمەتىنە سۇيەنسەك، شىن مانىندە 2012 جىلى تۋعان باياندى اۋىلىنىڭ تۇرعىنى  وبلىستىق بالالار اۋرۋحاناسىنا تۇسكەن.