قازاقستاننىڭ پروكۋرورلارى مەن تەرگەۋشىلەرى شەتەلدە قالاي جۇمىس ىستەۋ كەرەكتىگىن دە بىلمەيدى. بۇل تۋرالى بۇگىن «قارجىلىق تەرگەپ-تەكسەرۋدىڭ جانە ۇرلانعان اكتيۆتەردى شەتەلدەن قايتارۋدىڭ ۇلتتىق جۇيەسىن دامىتۋ» تاقىرىبىندا وتكەن دوڭگەلەك ۇستەلدە باس پروكۋرور جاقىپ اسانوۆ ايتتى، دەپ حابارلايدى Qamshy.kz Baq.kz سايتىنا سالتەمە جاساپ.

«بىرىنشىدەن، xالىقارالىق ساۋال جولداۋدى دا دۇرىس جازا المايمىز. ءبىزدىڭ ساۋالدار شەتەلدىك ستاندارتقا ساي كەلمەي جاتادى. تەرگەۋشىلەر جولداعان ساۋالدىڭ ءماتىنىن فرانسۋز نەمەسە نەمىس تىلىنە اۋدارعان كەزدە، قۇجات ماعىناسىز بولىپ شىعادى ەكەن. شەتەلدەگى ارىپتەستەرىمنەن بىرنەشە xات الدىم. ولار بىزگە شاعىمدانىپ وتىر. ويتكەنى، قاراپايىم عانا مىسال رەتىندە ايتايىن، ولار ءبىز جازعان ساۋالدىڭ ءماتىنىن دە تۇسىنبەي جاتادى. بۇل قۇجات كىمگە كوبىرەك قاجەت؟ ارينە، بىزگە. سوندىقتان شەتەلدىك ارىپتەستەرىمىز ءبىزدىڭ ءتىلدى وڭاي ءتۇسىنۋ ءۇشىن قولدان كەلگەننىڭ ءبارىن جاساۋىمىز كەرەك. بۇل وڭاي ەمەس. ءبىراق، جۇزەگە اسىرۋعا بولادى» ، - دەدى جاقىپ اسانوۆ.

سونداي-اق، ول پروكۋرورلاردىڭ الەمدىك ستاندارت پەن شەت مەملەكەتتەردىڭ تالابىن ورىنداي الماي جاتاتىنىن دا ايتتى.

«اسىرەسە، ەۋروپا وداعى، ۇلىبريتانيا، اقش ەلدەرىنىڭ تالاپتارىن ورىنداي الماي جاتامىز. ارينە، تەرگەۋشىلەر مەن پروكۋرورلارعا وڭاي ەمەس. ءبىز ولاردى بۇرىن وقىتقان جوقپىز. ال جەكە ءوز كۇشتەرىمەن قوسىمشا ءتالىم الۋ قيىن. ءبىزدىڭ جەكە مەتوديكالىق بازامىز دا جوق»، - دەيدى باس پروكۋرور.

ايتا كەتەيىك، 24 قازاننان باستاپ باس پروكۋراتۋرادا «شەتەلدەن ۇرلانعان اكتيۆتەردى قايتارۋ» بويىنشا باس پروكۋراتۋرا، ۇلتتىق بيۋرو، مەملەكەتتىك كىرىستەر كوميتەتى جانە ءىىم قىزمەتكەرلەرىنىڭ العاشقى توبى شەت ەلدەردەن كەلگەن ساراپشىلاردان ءبىلىم الۋدا. سەميناردىڭ قورىتىندىسى بويىنشا 10 ۇلتتىق ترەنەر دايىندالاتىن بولادى.