بۇگىن، 29 قازان الماتىداعى "الماتى ارەنادا" قانات يسلامنىڭ كاسىپقوي بوكستاعى 22 كەزدەسۋى وتەدى. ول ءبىرىنشى رەت قازاقستاندا جەكپە-جەك وتكىزگەلى جاتىر. قانات يسلام WBA (Interim) تۇجىرىمى بويىنشا الەم چەمپيونى اتاعى ءۇشىن گانالىق «ۋلى جەبە» پاتريك اللوتەيگە قارسى جەكپە-جەك وتكىزەدى. ول، WBA Fedecaribe تۇجىرىمىنىڭ چەمپيونى، وسى ۋاقىتقا دەيىن 21 كەزدەسۋ وتكىزىپ، بارلىعىندا جەڭىسكە جەتكەن. 

الماتىدا وتەتىن باسەكەگە ايماقتاردان جانكۇيەرلەر دە كەلىپ جاتىر دەپ حابارلايدى "قامشى" پورتالى. الماتى وبلىسى ورتالىعى تالدىقورعاننان جولعا شىققان ءبىر توپ وتانشىل ازاماتتار ۆيدەو سالەم جولدادى. "تالدىقورعان مەن تەكەلى قالاسىنان، قاراتال، كوكسۋ، اقسۋ، ەسكەلدى، كەربۇلاق اۋدارندارىنان وكىل ازاماتتار تالدىقورعانداعى "جاستار" سپورت سارايىنىڭ الدىندا باس قوسىپ، 20-دان استام كولىكپەن الماتىعا جولعا شىقتى" دەپ باياندايدى داۋلەتجان شايمۇران ۇلى. ولار سالەمىندە "قاناتتىڭ جەڭىسى - قازاقتىڭ جەڭىسى!" دەپ ۇراندايدى.

ەرلان تولەۋباي​