25 جاسار جەرلەسىمىز جانقوش جەڭىسكە جەتتى.

"الماتى ارەنادا" قازاقستاندىق بوكسشىلاردىڭ جەڭىستەرىمەن ءوتىپ جاتقان باسەكەدە كاسىپقوي بوكستا قازاق ەلىن تانىتىپ جۇرگەن بوكسشىلاردىڭ ءبىرى – جانقوش تۇراروۆ گانالىق ايساك اريەمەن (گانا) جۇدىرىقتاستى. ول وسىعان دەيىن 19 جەكپە-جەك وتكىزىپ، بارلىعىندا جەڭىسكە جەتكەن. ونىڭ 13ء-ىن مەزگىلىنەن بۇرىن اياقتاعان. 

ال، قارسىلاسى گانالىق ايساك كاسىپقوي بوكستا 32 كەزدەسۋ وتكىزگەن. 24-دە جەڭىسكە جەتىپ، 8 جەكپە-جەگىندە جەڭىلگەن. ەكى بوكسشى اراسىنداعى كەزدەسۋ 10 راۋندقا جوسپارلانعان. ولار شارشى الاڭعا تەڭ سالماقپەن (66 كەلى) شىقتى.

ءبىرنىشى راۋندتا جانقوش قارسىلاسىن زەرتتەپ الدى. وزىنە سوققى دارىتپادى. ەكىنشى راۋندتا دا جانقوش قورعانىستا بولدى. گانالىقتىڭ وتە شىمىر بوكسشى ەكەنى بايقالدى. دەگەنمەن قارسىلاسىنا بىرنەشە ءساتتى سوققى جاسادى. ءۇشىنشى راۋندتا قىزنىپ العان بوكسشىلار اياماس سوققىلارعا كۇشتى. كەلەسى راۋندتا جانقوشتىڭ باسىمدىلىعى بايقالدى. ءبىر رەت گانالىقتى سۇلاتىپ الدى. تورەشى ساناي باستاعاندا قارسىلاسى قايتا شىقتى ۇرىسقا. راۋند بىتۋگە وتىز سەكۋنت قالعاندا تەحنيكالىق نوكاۋتپەن جەڭدى جەرلەسىمىز.

ايتا كەتەر بولساق، بەلگىلى مەسەنات باۋىرجان وسپانوۆ جانقوش تۇراروۆپەن قانات يسلامعا كاسىپقوي بوكستا دەمەۋشىلىك جاساپ كەلەدى.

الماتىدا ءوتىپ جاتقان ايتۋلى باسەكەدە بۇعان دەيىن 4 جەكپە-جەك ەتىپ، تورتەۋىندە دە جەڭىس قازاق بوكسشىلارىنىڭ قانجىعاسىنا بايلانعان ەدى.