"الماتى ارەنادا" ءوتىپ جاتقان كاسىپقوي باسەكەسىندە ءتورتىنشى بولىپ رۋسلان مىرساتايەۆ (قازاقستان) - ناحۋ ازۋمي (گانا) شارشى الاڭعا شىقتى.
اسا اۋىر سالماقتا جۇدىرىقتاساتىن 31 جاستاعى رۋسلان مىرساتايەۆ گانالىق ناحۋ ازۋميمەن كەزدەسەدى. وتانداسىمىز وسىعان دەيىن كاسىپقوي بوكستا 2 جەكپە-جەك وتكىزىپ، ەكەۋىندە دە نوكاۋتتى جەڭىسپەن اياقتاعان. ال قارسىلاسى 5 كەزدەسۋ وتكىزىپ، 4-دە جەڭىسكە جەتكەن.
سالماق ولشەۋدە رۋسلاننىڭ سالماعى 99 كەلى، ناحۋ ءازۋميدىڭ سالماعى 103 كەلى بولدى. بۇل جەكپە-جەك 6 راۋندقا جوسپارلانعان بولاتىن.
بۇعان دەيىنگى ءۇش جەكپە-جەكتە دە وتانداستارىمىز جۇمابەكوۆ، شارىبايەۆ، احمەدوۆ قارسىلاسىن جەڭدى. جۇمابەكوۆ پەن احمەدوۆ قارسىلاستارىن ءبىر مينۋتقا جەتكىزبەي نوكاۋتقا جىبەردى.
