بۇگىنگى كەشتىڭ باستى باسەكەسىندە قانات ۇپاي سانىمەن جەڭدى! «الماتى ارەنا» سپورت سارايىندا كۇللى قازاق جۇرتى كوپتەن كۇتكەن بوكس كەشى ءوتتى. لىقا تولعان ارەنادا جانكۇيەرلەر وتە جاقسى بەلسەندىلىك تانىتتى.
قانات يسلام شارشى الاڭعا شىعار الدىندا "قامشى" پورتالىنىڭ گيمنى "ءدۇر قامشى" ويناپ تۇردى.
"ءدۇر قامشى"
ءسوزى: ءبىلال قۋانىش
مۋزىكاسى: ۇشقىن جامالبەك
الشاڭداپ باسادى، الاشتىڭ بالاسى،
ءوز ەلى، ءوز جەرى، قالدىرعان باباسى.
ءبىر ءتۇيىر توپىراق، ءبىر تامشى قارا سۋ،
قازاققا عانا ءتان، قازاقتىڭ دالاسى.
بالاقتىڭ بيتتەرىن باسىنا قاپتاتپاي،
كورشىنىڭ يتتەرىن ەسىكتەن اتتاتپاي.
قولىنا قامشى الىپ، الەمگە جار سالىپ،
قازاقتار جۇرەدى نامىسىن تاپتاتپاي!
ۇل بولساڭ قولىڭدا، قۇل بولساڭ توبەڭدە،
وينايدى ءدۇر قامشى، رۋحىڭنان بوگەلمە!
كەۋدەڭدى كەرىپ ءجۇر، ەسكى جاۋ ەل بولماس،
قازاق بوپ تۋعانسىڭ، قازاق بول ولەردە.
جات تىلدە سويلەيدى، جارىمجان ارسىزدار،
جات دىندە مۇلگيدى، جاماۋ بەت جانسىزدار.
قۇلدىعىن ەسكە الىپ، قامشىدان قورقادى،
تەكسىزدەن تاراعان قارابەت قامسىزدار!
تۇركىگە توپتالىپ، قاس ساق بوپ جۇرگەنبىز،
تۇندەردە - ايدانبىز، جارىقتا - كۇننەنبىز.
ەندى ەشكىم ەسىرمەس، ەسىرسە كەشىرمەس،
تاۋەلسىز وتاندا ەرجەتكەن ۇل مەن قىز.
قايتا وياندى الاشىم،
جاڭعىرتىپ قازاق دالاسىن.
تۇركىنىڭ تۇگەل ساناسىن،
بىزدەردەن جۇرتىم تاباسىڭ.
كوزدەرىندە وت جايناپ،
بابالار باسىن وققا ايداپ.
اماناتتاعان بوستاندىق،
تۇسپەسىن ەندى كوك بايراق!
ەر الاش دەپ ۇرانداپ،
كۇن سونگەنشە سونبەيمىز.
ەندى الاشتى ەشكىمنىڭ
قورلىعىنا بەرمەيمىز!
قان شىعار، مۇمكىن جان شىعار،
توگىلسىن كوزدەن تامشىلار.
بىرگەمىز ەندى بار قازاق،
قولىمىزدا قامشى بار!!!
ءبىزدىڭ ەل، ءبىزدىڭ جەر، ءبىز - قوجا، ءبىز - كوسەم،
ءبىزدى كور فانيدەن جۇماق جەر ىزدەسەڭ.
سىيلاساڭ قازاقتى سىياسىڭ ورتاعا،
كوزىڭدى اشىپ ءجۇر، ءبىلىپ ال بىلمەسەڭ.
استىندا تۇلپارى، كوگىندە سۇڭقارى،
الاش دەپ ۇراندار التى جاس ۇرپاعى.
سەنگەنى ءبىر اللا، قولىندا ءدۇر قامشى،
بولامىز ءبىز ەرتەڭ الەمنىڭ سۇلتانى!
