الماتى قالاسىنداعى "الماتى ارەنا" ستاديونىندا وتكەن بوكس باسەكەسى تۇگەلدەي قازاق بوكسشىلارىنىڭ جەڭىسىمەن اياقتالدى. 

كەشتىڭ باستى باسەكەسى جەرلەسىمىز قانات پەن گانالىق پاتريك اللوتەي اراسىنداعى باسەكە تولىقتاي 12 راۋندقا سوزىلدى. قانات يسلام قارسىلاسىن ايقىن ۇپاي سانىمەن جەڭدى. باتىردى شارشى الاڭعا الماتى اكىمى باۋىرجان بايبەكتىڭ ءوزى شىعىپ قۇتتىقتاپ: «قاناتتىڭ جەڭىسى – قازاقستاننىڭ، ەلباسىنىڭ جەڭىسى»، دەپ باعالادى.

اتالعان كەشتە سونداي-اق، جۇمان جۇمابەكوۆ ۆلاديمير ءيۆانوۆتى (بەلارۋس) 23ء-ىنشى سەكۋندتا ۇرىپ جىقتى.

ايدار شارىبايەۆ 6 راۋند بوكستاسىپ، ارىپتەسى  حۋان وكۋرانى (يسپانيا) ۇپاي سانىمەن ۇتتى.

ءالي احمەتوۆ بولسا،  ءالي مامەدوۆتى (ءازىربايجان) 44ء-ىنشى سەكۋندتا نوكاۋتقا جىبەردى.

اۋىر سالماقتاعى رۋسلان مىرساتايەۆ - ناحۋ ءازۋميدى (گانا) شىعا سالا سۇلاتتى.

جانقوش تۇراروۆ بولسا باسەكەلەسى ايساك اريەنى (گانا) 4 راۋندتا جايراتىپ سالدى.

جانىبەك ءالىمحان ۇلى ميلتون نۋنەسپەن (كولۋمبيا) وتكەن كاسىپقوي بوكستاعى العاشقى جەكپە-جەگىن ايقىن جەڭىسپەن اياقتادى.