تۇركيانىڭ انادولى اگەنتتىگىنىڭ جازۋىنشا، اقش سىرتقى ىستەر مينيسترلىگىنەن ەسىمىن جاريالاماۋدى سۇراعان جوعارى وكىلەتتى ءبىر قىزمەتكەر: «تازا ءدىني قوزعالىستان تىس، وففشورلىق اقشانى زاڭداستىرۋ ءۇشىن ارناۋلى ۇيىمداسقان اقشا جاسىرعان تۇلعالاردى بايقادىق. گۇلەن تۋراسىنداعى ايىپتاۋلاردىڭ شىندىققا جاناسۋى مۇمكىن» دەگەن.

اقش-تىڭ  AP حابار اگەنتتىگى تاراتقان اقپاراتتا، اتالعان تۇلعا «تۇركيانىڭ فەتۋللاح گۇلەن تۋراسىنداعى ايىپتاۋلارى ءۇشىن جەتكىلىكتى جانە شىنايى دالەلدەرى بار» دەپ باسا ايتقان.  ول، ءوز سوزىندە گۇلەن تارابىنان  باسقارىلىپ، جۇرگىزىلگەن قورلار مەن وقۋ مەكەمەلەرىنىڭ كۇماندى قۇرىلىمى مەن قارجىلاندىرۋ جۇيەسى بولعانىن جەتىزگەن.

ەسىمىن اشىققا شىعارعىسى كەلمەگەن تۇلعا، تۇركياداعى توڭكەرىس ارەكەتىنىڭ ارتىندا تۇرعان فەتو تەررور ۇيىمىنىڭ جەتەكشىسى گۇلەن ەكەنىنە قاتىستى اقش قۇزىرلى ورگاندارىندا تەكسەرۋ جۇمىستارى جۇرگىزىلىپ جاتقانىن ايتتى.

ەسىمى اتالعان اقش ءسىم وكىلى، تۇركياداعى «توتەنشە جاعداي» رەجيمىندە ءجۇرىپ جاتقان «توڭكەرىسكە قاتىستى تۇتقىنداۋلار مەن تەرگەۋ جۇمىستارىنا» دا الاڭداۋشىلىق ءبىلدىرىپ، تۇركيانى دەموكراتيالىق پرينسيپتەر اياسىندا ارەكەت ەتۋگە شاقىردى.

ەسكە سالا كەتەر بولساق، تۇركياداعى قاندى  «15 شىلدە» تۇنىنەن كەيىن تۇرىك بيلىگى رەسمي تۇردە گۇلەندى ايىپتاعان بولاتىن. سونداي-اق، گۇلەننىڭ ارتىندا ول ءومىر ءسۇرىپ جاتقان اقش بيلىگى تۇر دەپ سىناعان ەدى. كوپ وتپەي اقش مەملەكەتتىك حاتشىسى دجون كەرري «اقش بيلىگىنىڭ گۇلەنگە قاتىستى ەشقانداي دا ىشكى ەسەبى جوق ەكەنىن، تۇركيا ايىپتاۋىنا جەتكىلىكتى دالەل كەلتىرە السا گۇلەندى تۇركياعا كەرى ەكستراديسيالايتىنىن» مالىمدەگەن ەدى. تۇرىك بيلىگى دە كوپ ۇزاماي اقش-قا ءتيىستى دالەلدەر جىبەرگەنىن، قارسى تاراپتىڭ تەزىرەك تەكسەرۋ جۇمىستارىن جۇرگىزۋىن سۇراعان بولاتىن.

بۇگىن عانا مالىمدەگەن جاساعان تۇركيانىڭ پرەمەرىنىڭ ورىنباسارى شيمشەك، "اقش-قا جىبەرگەن قۇجاتتارىمىزدا جارىم ميلليونعا جۋىق دالەل بار. توڭكەرىس ارەكەتىنىڭ ارتىندا گۇلەن تۇرعانىنا ەشقانداي ءشۇبا جوق" دەدى.