قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلى قارجى جىمقىردى دەگەن ايىپپەن قاماۋعا الىنعان قازاقستاننىڭ حالىق ءارتىسى تۇڭعىشباي جامانقۇلوۆتى بوساتۋ تۋرالى تەرگەۋ ورگاندارىنا ءوتىنىش بەرمەك، - دەپ حابارلايدى Qamshy.kz.
بۇل تۋرالى بىرنەشە اداممەن بىرگە ا. مۇحامەديۇلىمەن كەزدەسكەن بەلگىلى ساياساتتانۋشى ەرلان سايروۆ مالىمدەدى.
«ءبىر توپ ادام مادەنيەت جانە سپورت مينيسترىمەن كەزدەسىپ، ق ر حالىق ءارتىسى تۇڭعىشباي جامانقۇلوۆتى بوساتۋ تۋرالى ءوتىنىش جاسادىق. ارىستانبەك مۇحامەدي ۇلى تۇڭعىشباي جامانقۇلوۆتى ءوزىنىڭ جەكە جاۋاپكەرشىلىگىنە تاپسىرىپ، قاماۋدان بوساتۋ تۋرالى ءوتىنىش بەرەتىنىن ايتتى»، - دەپ جازادى ە. سايروۆ.
ەستەرىڭىزگە سالساق، 69 ميلليون تەڭگە كولەمىندە قارجى جىمقىردى دەگەن ايىپپەن ت. جامانقۇلوۆ كەشە ۇستالعان بولاتىن. ەندى قولدانىستاعى زاڭناماعا سايكەس، ءۇش كۇن ىشىندە تەرگەۋ كەزىندە قولدانىلاتىن بۇلتارتپاۋ شاراسى سوت شەشىمىمەن بەلگىلەنەتىن بولادى.
