شىعىس قازاقسانداعى باقتى كەدەن بەكەتىندە 85 دانا قىمبات ىشىك تاركىلەندى. ءارقايسىنىڭ قۇنى 150 مىڭ تەڭگەدەن اساتىن كيىمدەردى اعايىندى ەكى جىگىت قاراپايىم قول جۇگى رەتىندە ەشبىر كەدەندىك راسىمدەۋسىز الىپ وتپەك بولعان.
كەدەنشىلەر ولاردىڭ سومكەلەرىن اقتارا كەلە، ايەلدەردىڭ كوز جاۋىن الاتىن قىستىق كيىمدەردىڭ نەبىر ءتۇرىن شىعاردى. توندار قاراكۇزەن، سۋىر، تۇلكى سياقتى اڭداردىڭ ءبۇتىن تەرىلەرىنەن تىگىلگەن. ءسويتىپ ساۋداگەرلەر 2 جارىم ملن تەڭگە كەدەندىك تولەمنەن جالتارماق بولعان. سونداي-اق وسكەمەندە تاعى ءبىر ءىرى كونترادانديستتىڭ جولى كەسىلدى. ەلىمىزدىڭ وزەن-كولدەرىندە قولداناۋعا مۇلدەم تىيىم سالىنعان بالىق اۋلاۋ قۇرالىن ساتۋمەن اينالىسقان جۇڭگو ازاماتى ۇستالدى. قالاداعى قوناقۇيلەردىڭ بىرىندە وتباسىمەن تۇرىپ جاتقان قىتايلىق قويما جالداپ، ونىڭ ءىشىن جىڭىشكە نەيلوندى اۋعا تولتىرىپ تاستاپتى. جۇڭگو ازاماتىنان جالپى قۇنى 40 ملن تەڭگەگە تارتاتىن 20 مىڭ تور تاركىلەندى.
ەلميرا احمەتوۆا
Ktk تەلەارناسى
پىكىر قالدىرۋ