بيىلعى جىلى "الماتى ارەنا” مۇز سارايىندا قايرات نۇرتاس پەن رەسەيلىك ءانشى فيليپپ كيركوروۆتىڭ كونسەرتى وتپەك. بۇل تۋرالى Stan.kz حابارلايدى.

جاڭالىقتى الماتى قالاسىنىڭ اكىمى باۋىرجان بايبەك ۇكىمەت وتىرىسى كەزىندە بايانداپ بەردى.

"جاڭا نىساندا بەلسەندى جۇمىس ءجۇرىپ جاتىر. 5 قاراشادا "المات ارەنادا” سىرعاناۋ ماۋسىمى اشىلعان بولاتىن. مۇندا ءبىرقاتار شارالار ءوتىپ ۇلگەردى، ونىڭ ىشىندە الماتىنىڭ مىڭ جىلدىعىن تويلاۋ، مۋززون مۋزىكالىق سىيلىعىن تابىستاۋ جانە قانات يسلامنىڭ جەكپە-جەگى بار. بۇل شارالاردىڭ بارلىعىندا زال تولى بولدى. بىزدە بيلەت 100 پايىز ساتىلىپ كەتەدى”، – دەدى اكىم.

ونىڭ سوزىنشە سپورت كەشەنىندە جىل سوڭىنا دەيىن 8 ءىرى ءىس-شارا بولماق.

"بۇل فۋتزالدان ۋەفا كۋبوگىنىڭ كەزەڭدەرى، مانەرلەپ سىرعاناۋدان ۇلتتىق چەمپيونات، فيليپپ كيركوروۆتىڭ، قايرات نۇرتاستىڭ كونسەرتى جانە باسقا دا شارالار. جىل سوڭىنا دەيىن ءبىز نىساندا جۇمىس ىستەپ، بارلىق تەحنيكالىق جاعدايلارىن قاراستىرىپ بولامىز. ول جەردە قىسقى ۋنيۆەرسيادانىڭ اشىلۋ جانە جابىلۋ سالتاناتتارى وتكىزىلەدى”، – دەدى باۋىرجان بايبەك.