مەملەكەتتىك «نۇرلى جول» باعدارلاماسىنا بولىنگەن قىرۋار-قارجى دا تالان-تاراجعا تۇسە باستادى. جەمقورلىققا قارسى ۇلتتىق بيۋرو ەلىمىزدەگى تۇرعىن ءۇي قۇرىلىسىنا جاۋاپتى ۇلتتىق «بايتەرەك» حولدينگىنىڭ 3 لاۋازىمدى مەنەدجەرىن پارامەن ۇستادى.
بۇل تۋرالى كتك ارناسى حابارلايدى.
قولدارىنا كىسەن سالىنعانداردىڭ ءبىرى حولدينگتىڭ ەنشىلەس كومپانياسى «بايتەرەك Developmentء-تىڭ» باسقارما ءتوراعاسىنىڭ ورىنباسارى اسلان جاقىپوۆ. 40 جاستاعى توپ-مەنەدجەر ءماجىلىستىڭ ەكس-سپيكەرى قابيبوللا جاقىپوۆتىڭ ۇلى. ول «بايتەرەك Developmentء-تىڭ» باسقارۋشى ديرەكتورلارى باۋىرجان ايتىمبەتوۆ جانە عازيز سارييەۆپەن اۋىز جالاسىپ «نۇرلى جول» باعدارلاماسىنا بولىنگەن قىرۋار قارجىنى تەندەردەن كاسىپكەرلەرگە الىپ بەرۋ ءۇشىن اۋىسباستىرىق الىپ وتىرعان. توپ-مەنەدجەرلەردىڭ ۇشەۋى دە كەزەكتى 28 ميلليون تەڭگەنى الۋ ساتىندە قولعا ءتۇستى. بۇل اقشاعا پاۆلودار قالاسىندا بيۋدجەتتىڭ 3 ميلليارد تەڭگەسىنە سالىنىپ جاتقان 9 قاباتتى ءۇيدىڭ اكتىسىنە قول قويىپ بەرمەك بولعان. تەرگەۋ ماتەريالدارىنا قاراعاندا ، توپ-مەنەدجەرلەر ارزان ءۇي سالۋعا بولىنگەن قازىنا قارجىسىن وسىلاي جۇيەلى تۇردە جىمقىرۋمەن اينالىسىپتى.
