"قامشى" پورتالى بۇعان دەيىن ءبىرقاتار ب ا ق بەتتەرىندە وزبەكستاننىڭ قايتىس بولعان پرەزيدەنتى يسلام كاريموۆتىڭ قىزى قايتىس بولدى دەلىنگەن اقپاراتتى جاريالاعان بولاتىن. بۇل اقپاراتتا ب ا ق وزبەكستان ارنايى قىزمەتىندەگى دەرەككوزگە سىلتەمە جاساپ كاريموۆا 5 قاراشادا ۋلانىپ قايتىس بولعان، سول كۇنى ول تاشكەنتتەگى "مينور" زيراتىندا جەرلەندى دەپ جاريالاعان. اكەسىمەن اراز بولىپ، باسى داۋعا قالعان وزبەكتىڭ ەركە قىزى گۇلنارا كاريموۆا سوڭعى مالىمەتتەردە ءۇي قاماعىندا ەكەنى ايتىلىپ جۇرگەن.
ەندى، "وزبەكستاننىڭ ءبىرىنشى پرەزيدەنتىنىڭ ۇلكەن قىزى گۇلنارا كاريموۆا ءتىرى"، - دەپ حابارلادى ريا نوۆوستي كاريموۆتار وتباسىمەن جاقىن ارالاساتىن دەرەككوزگە سىلتەمە جاساپ.
"گۇلنارا كاريموۆا ءتىرى، ول قايتىس بولدى دەگەن مالىمەت جالعان"، - دەدى اگەنتتىكتىڭ دەرەككوزى. ءبىراق ول ونىڭ قازىرگى ۋاقىتتا قايدا ەكەنىن ايتقان جوق.
قىركۇيەكتىڭ ەكىسىندە 78 جاسقا كەلگەن وزبەكستاننىڭ ءبىرىنشى پرەزيدەنتى يسلام كاريموۆ دۇنيەدەن وزدى. مەملەكەت باسشىسىنىڭ ۋاقىتشا مىندەتىن ورىنداۋشى بولىپ پرەمەر-مينيستر شاۆكات ميرزيويەۆ تاعايىندالدى.
ايتا كەتسەك، تامىزدىڭ وتىزىندا-اق وزبەكستاندا يسلام كاريموۆ قايتىس بولدى دەگەن اقپارات تاراپ كەتتى. سول كەزدە ونى تەرىستەگەن جالعىز اقپاراتتى وسى ريا نوۆوستي تاراتقان ەدى. دەگەنمەن 2 قىركۇيەكتە وزبەك بيلىگى كاريموۆتىڭ دۇنيە سالعانىن رەسمي جاريالاعان بولاتىن.
