الەمدىك داعدارىسقا قاراسماستان ەلىمىزدە ونەركاسىپ، اۋىلشارۋاشىلىعى سالاسى قارقىندى دامىپ كەلەدى. مەملەكەت تاراپىننا كورسەتىلىپ جاتقان كومەكتىڭ ارقاسىندا شاعىن جانە ورتا بيزنەسپەن شۇعىلدانىپ جاتقان كاسىپكەرلەردىڭ سانى ارتىپ كەلەدى. ءونىم ءوندىرۋ ىسىندە الدا كەلە جاتقان وڭتۇستىك قازاقستان وبلىسىنداعى اگروبيزنەس پەن تاماق ونەركاسىبىن دامىتۋ باسىمدى باعىتتار بولىپ تابىلادى. 2016 جىلدىڭ 1 قاڭتارىنداعى مالىمەتتەرگە ساي، ءىرى قارا مالدىڭ سانى 2،5 %، جىلقىلاردىڭ سانى - 6،8 %، قويلار - 1 %، قۇستار - 1،7 %، ەتتى ءوندىرۋ - 3،4 %، تاۋىقتىڭ جۇمىرتقالارى - 10،4 % جانە سيىردىڭ ءسۇتى - 2،3 % ارتقان.
مال شارۋاشىلىعى وركەن جايعان ولكەدە ەت ەكسپورتىنا باعىتتالعان جوبالاردىڭ ءبىرى – سايرام اۋدانىندا ورنالاسقان بورداقىلاۋ كەشەنى. 21 گەكتار جەردى الىپ جاتقان بۇل كەشەندە 500 باس ءىرى قارا بار. ينۆەستيسيالىق جوبانىڭ جالپى قۇنى 73 ميلليون تەڭگە. احمەدجان رۋماندينوۆ وسىنداي ناتيجەگە جەتۋ ءۇشىن وقو كاسىپكەرلەر پالاتاسىنىڭ سايرام اۋداندىق فيليالىنا جۇگىنگەن. جەرگىلىكتى ماماندار كاسىپكەرگە "ۇدەمەلى يندۋستريالىق-يننوۆاسيالىق" دامۋ باعدارلاماسىنىڭ باعىتى «اگروبيزنەس – 2020» باعدارلاماسى بويىنشا نەسيە الۋعا ات سالىسىپ، باعىت كورسەتكەن.  بۇگىندە مۇندا وننان استام ازامات جۇمىسپەن قامتىلىپ وتىر.

         شارۋاشىلىق باسشىسى احمەدجان رۋماندينوۆ قولدا بار قارا مالدىڭ سانىن تاعى ەكى ەسەگە ارتتىرىپ، وندىرىلگەن ەتتى ەكسپورتقا شىعارماق. ول ءۇشىن فەرما جانىندا مال سويۋ بەكەتى دە بار. مۇندا وندىرىلەتىن ەت نارىقتاعىدان ارزان بولادى. ويتكەنى، شارۋاشىلىق مال ازىعىنا كەرەك داقىلداردى وزدەرى ەگىپ، وزدەرى دايىنداماق.