وڭىرلەردە اۋىل شارۋاشىلىعىن دامتىۋ وتە ماڭىزدى. اۋىل شارۋاشىلىعىن دامىتىپ قانا قويماي، ونى برەند رەتىندە قالىپتاستىرا بىلگەن ءجون. مىسالى، گوللانديا ىرىمشىگى، فرانسۋز شارابى، جاپون بالىعى. مىنە، بىزگە دە وسىنداي اتتى جاساپ شىعارۋ كەرەك. مۇنداي اتاققا يە تەك الماتى اپورتى عانا بولىپ تۇر. دەگەنمەن، تۇلكىباس اپورتى دا حالىققا تانىلىپ كەلەدى. بۇل ارينە قۋانتارلىق جاي. جاقىندا وسى تىزىمگە ارىس الماسى دا قوسىلماق. ارينە، بۇل ءۇشىن ءالى اتقارىلار تىرلىك كوپ. ايتسە دە، باستاۋ بار. ارىس قالاسى اكىمدىگىنىڭ باسپا ءسوز قىزمەتىنىڭ حابارلاۋىنشا، ارىس قالاسىنا قاراستى اقدالا اۋىلدىق وكرۋگىندە الما تەرۋ ناۋقانى قىزۋ ءجۇرىپ جاتىر. «اگروبيزنەس 2020» باعدارلاماسى اياسىندا مەملەكەتتكەن قولداۋ تاۋىپ، «اگروفيرما جاڭا اقدالا» جاۋاپكەرشىلىگى شەكتەۋلى سەرىكتەستىگىنىڭ 17 0گا جەرگە گوللانديالىق جانە «سەمەريانكا» الما اعاشتارىنىڭ 2 سۇرپى وتىرعىزىلعان.- «ءار كوشەتتىڭ اراقاشىقتىعى - 80 سم. بيىكتىگى 3،5 مەترگە دەيىن كوتەرىلەدى. ءار ءتۇپ الما اعاشىنان 1 جىلدىڭ وزىندە 40-45 الما الىنادى» - دەدى الما باۋىنىڭ باسقارۋشىسى ن.ەسەنقۇلوۆ. 

اتالعان الما باۋدا جەرگىلىكتى تۇرعىنداردان 50-دەن اسا ادام ەڭبەك ەتۋدە.
وڭتۇستىك ءوڭىرىنىڭ الما باعىن ەگۋگە قولايلى بولۋىنا وراي باعباندىق شارۋاشىلىقتى قولعا العان ارىستىق شارۋالار الداعى جىلدارى الما باعىنىڭ كولەمىن ۇلعايتىپ، ارىس الماسىن ەلىمىز بەن الىس-جاقىن شەتەلدەرگە تانىمال برەندكە اينالدىرۋدى كوزدەپ وتىر.

مىنە، وڭىرىمىزدەگى اۋدانداردا ءونىم  ءوندىرىلىپ، جەمىس-جيدەك، كوكونىستەر تەرىلىپ، جۇمىسسىزدار جۇمىسپەن قامتىلىپ، قىزۋ جۇمىستار ءجۇرىپ جاتىر. ەندى بۇل ءىس ءوز جالعاسىن تاپسا دەپ تىلەۋدەن باسقا لەبىز جوق. 

rgmedia.kz