بەلارۋس پرەزيدەنتى الەكساندر لۋكاشەنكونىڭ ويىنشا الىپ كسرو مەملەكەت ىشىندەگى ءبىرىنشى قاجەتتىلىكتەگى ونىمدەردىڭ بولماۋى كەسىرىنەن ىدىراپ كەتتى دەپ حابارلايدى interfax.ru
«كسرو-نىڭ ىدىراۋ سەبەبى نەدە؟ ەشنارسەنى ويدان شىعارۋدىڭ قاجەتى جوق – جاي عانا حالىققا كىر جۋاتىن ۇنتاق جەتىسپەدى، - دەدى لۋكاشەنكو مينسكىدەگى رەسەيلىك ايماقتىق ب ا ق وكىلدەرىنە ارنالعان پرەسس-كونفەرەنسيا بارىسىندا.
«ۇزىن-سونار كەزەكتە تۇرعان ايەلدەرگە قاراپ جانىم اشيتىن. شەتەلدىك كىر جۋاتىن ۇنتاقتىڭ 10-20 قورابىن الۋ ءۇشىن ماعان كەزەك كەلۋىن كۇتكەنىم بار. ءوزىمىزدىڭ (وتاندىق – يف) جەتىسپەدى، ۇنتاقسىز ءومىر ءسۇرۋ قايدا؟» - دەپ ويىن جالعاستىردى پرەزيدەنت.
بەلارۋس باسشىسىنىڭ سوزىنە سەنسەك، ءبىر جىل كولەمىندە بەلارۋسياعا مىڭداعان مودۋل ورناتىپ، بۇكىل مەملەكەتتى ۇنتاققا كومىپ تاستاۋعا بولاتىن ەدى. «ءبىز جەتكىلىكتى مولشەردە ازىق-تۇلىك ونىمدەرىن شىعارا المادىق دەيسىز بە؟ بوس ءسوز»،- دەيدى لۋكاشەنكو.
سونىمەن قاتار لۋكاشەنكو «كەڭەس وداعى كەزىندە جىبەرگەن قاتەلىكتى ءقازىر قايتالاماۋىمىز قاجەت ەكەندىگىن ايتتى. سول سەبەپتى قاراپايىم حالىقتىڭ تۇرمىس-تىرشىلىگىن دۇرىستاپ، قاجەت ونىمدەرمەن قامتاماسىز ەتۋىمىز شارت» دەپ ءسوز قورىتىندىلادى.
