الەمدە بالا اتاۋلىنى قىزىقتىرىپ، قۋاندىراتىن ويىنشىق تولى Kinder Surprise جۇمىرتقالارى رۋمىنيادا بالالاردى ەش قۋانىشقا بولەمەيدى.  

رۋمىنيادا كەيبىر وتباسىلار Kinder Surprise جۇمىرتقاسى ىشىنە ويىنشىق تولتىرىپ جانىن باعادى. ولار، انگليادا ءبىر داناسى 4 فۋنت ستەرلينگكە (1700 تەڭگەدەي، قازاقستاندا 350-400 تەڭگە شاماسىندا ساتىلادى. –رەد) ساتىلاتىن Kinder Surprise جۇمىرتقالارىنىڭ 1000 داناسىن تولتىرۋعا بار-جوعى 3 فۋنت ستەرلينگ (1250 تەڭگە شاماسى) ەڭبەكاقى الادى ەكەن.

رۋمىنياداعى كەيبىر تۇرمىسى جۇپىنى وتباسىلار بالالارىمەن بىرگە جۇمىس ىستەپ، جۇمىرتقانى تولتىرۋعا 13 ساعاتىن جۇمسايدى.

The Sun-نىڭ رەپورتاجى بويىنشا، سۋرەتتەگى وتباسى 11 جانە 6 جاستاعى بالالارىن دا جۇمىسقا جەگۋگە ءماجبۇر.

بالالاردىڭ اناسى Timea Jurj 3 فۋنت ستەرلينگ(ءبىزدىڭ اقشاعا شاققاندا 1250 تەڭگە شاماسىندا عانا) ەڭبەكاقى الاتىندارىن ايتادى.  Jurj: «ۇلىم Patrick 11، قىزىم Hannah 6 جاستا. ولار دا ماعان قولعابىس ەتەدى. سەبەبى بۇل جۇمىرتقالاردى تولتىرعاننان قولىما جارا شىعا باستادى»، - دەيدى.  

كۇندە 13 ساعاتىن جۇمىرتقا تولتىرۋعا ارنايتىن Jurj، «كەيدە، تۇسىمدە دە وسى جۇمىرتقالاردى تولتىرىپ جاتقانىمدى كورەمىن. ءتىپتى بالالارىم بۇل ويىنشىقتاردان جيىركەنەتىن بولدى. جاعدايىمىز تومەن عوي، باسقا نە شارامىز بولسىن؟» دەپ اشىنادى.

ماتەريالدىق جاعدايى تومەن وتباسى وسىنداي ەسكى ۇيدە عۇمىر كەشىپ جاتىر.

دەگەنمەن وسى ءونىمدى ءوندىرۋشى Ferrero بىلتىرعى جىلى 112 ستەرلينگ پايدا تاپسا دا، سالىقتى دۇرىس تولەمەي جالتارىپ كەلەدى ەكەن.